Ордэн Францішка Скарыны

Ордэн Францішка Скарыны
	Ордэн Францішка Скарыны
Арыгінальная назва	па-беларуску: Францыска Скарыны
Краіна	Беларусь
Тып	Ордэн
Падставы ўзнагароджаньня	посьпехі ў справе беларускага мастацтва, дабрачыннасьць
Статус	уручаецца
Статыстыка
Парамэтры	вышыня — 43 мм,; шырыня — 39 мм,; матэрыял — срэбра
Дата заснаваньня	13 красавіка 1995
Колькасьць	141 (1 студзеня 2011)
Чарговасьць
Старэйшая ўзнагарода	Ордэн Пашаны
Малодшая ўзнагарода	Ордэн Маці

О́рдэн Франці́шка Скары́ны — беларуская дзяржаўная ўзнагарода, ордэн. Заснаваны ў 1995 пастановай Вярхоўнага Савету як адна з найвышэйшых дзяржаўных узнагародаў Беларусі за асаблівыя заслугі ў справе нацыянальна-дзяржаўнага адраджэньня.

Ордэнам узнагароджваюцца грамадзяне:

значныя посьпехі ў справе нацыянальна-дзяржаўнага адраджэньня Беларусі, дасягненьні ў галіне нацыянальнай мовы, літаратуры, мастацтва, а таксама прапаганды культурніцкай спадчыны беларускага народу;
за адмысловыя заслугі ў гуманітарнай, дабрачыннай дзейнасьці, у справе абароны чалавечае годнасьці й правоў грамадзянаў, міласэрнасьць і іншыя высакародныя ўчынкі.

Ордэн Францішка Скарыны носіцца на левым боку грудзяў і пры наяўнасьці іншых ордэнаў зьмяшчаецца пасьля ордэны Пашаны.

Апісаньне

Ордэн Францішка Скарыны ўяўляе сабой чатырохканцовую зорку з колам, складзеную ў авал памерам па вэртыкалі 43 мм, па гарызанталі — 39 мм. У цэнтры кола — рэльефны малюнак Францішка Скарыны, у ніжняй частцы — лаўровая галіна. Авал апраўлены бела-блакітнай эмалевай стужкай з надпісам «Францыск Георгій Скарына». Зваротны бок ордэна мае гладкую паверхню, у цэнтры знаходзіцца нумар ордэна.

Ордэн пры дапамозе вушкі й кольца злучаецца з калодкай сямікутнай формы, у ніжняй частцы якой разьмешчаны знак «сыгнет». Калодка абцягнутая муаровай стужкай цёмна-фіялетавага колеру.

Ордэн вырабляецца з срэбра з пазалотай.

Кавалеры ордэна

Уладзімер Адамушка
Жарэс Алфёраў — беларускі й расейскі фізык
Аляксій II (Рыдыгер) — Патрыярх Маскоўскі і ўсяе Русі
Надзея Бабкіна — расейская сьпявачка
Павал Барадзін — расейскі дзяржаўны дзяяч
Мікалай Баскаў — расейскі сьпявак
Мікалай Гнацюк — савецкі і ўкраінскі сьпявак
Барыс Ельцын — першы прэзыдэнт Расеі
Аляксандар Зімоўскі — беларускі журналіст і грамадзкі дзяяч
Мікалай Казак — савецкі й беларускі фізык
П'ер Кардэн — францускі мадэльер
Юры Лужкоў — мэр Масквы
Уладзімер Мулявін — савецкі і беларускі сьпявак
Аляксандра Пахмутава — савецкая й расейскя кампазытарка
Васіль Раінчык — беларускі кампазытар
Міхаіл Савіцкі — савецкі і беларускі мастак
Генадзь Селязьнёў — расейскі палітычны дзяяч
Філарэт (Вахрамееў) — мітрапаліт Менскі й Слуцкі, патрыяршы экзарх Усяе Беларусі
Міхаіл Фінберг — беларускі музыка, дырыжэр
Павал Якубовіч — галоўны рэдактар газэты «СБ. Беларусь сегодня»
Расьціслаў Янкоўскі — савецкі і беларускі актор тэатра і кіно
Анатоль Ярмоленка — беларускі музыка
Леанід Захлеўны — мастацкі кіраўнік ансамбля «Бяседа» (2011)
Уладзімер Мішчанчук — дэкан тэатральнага факультэта Беларускай дзяржаўнай акадэміі мастацтваў (2011)^[2]
Кляўдыё Гуджэроцьці — апостальскі нунцый у Беларусі ў 2011—2015 (2017)^[3]
і іншыя

Глядзіце таксама

Мэдаль Францішка Скарыны

Крыніцы

^ Аляксей Арэшка (2 сьнежня 2011) Лукашэнка ўзнагародзіў пасла КНР Лу Гуйчэна ордэнам Францыска Скарыны. БелаПАН. Праверана 3 сьнежня 2011 г.
^ Прэзыдэнт Беларусі ўганараваў дзяржаўнымі узнагародамі шэраг грамадзянаў краіны. Прэс-служба прэзыдэнта Рэспублікі Беларусь (23 лістапада 2011). Праверана 24 лістапада 2011 г.
^ Арцыбіскупу Клаўдыё Гуджэроцці ўручылі ордэн Францішка Скарыны // catholic.by, 24 чэрвеня 2017 г. Праверана 25 чэрвеня 2017 г.

Вонкавыя спасылкі

[1] Аляксей Арэшка (2 сьнежня 2011) Лукашэнка ўзнагародзіў пасла КНР Лу Гуйчэна ордэнам Францыска Скарыны. БелаПАН. Праверана 3 сьнежня 2011 г.

[2] Прэзыдэнт Беларусі ўганараваў дзяржаўнымі узнагародамі шэраг грамадзянаў краіны. Прэс-служба прэзыдэнта Рэспублікі Беларусь (23 лістапада 2011). Праверана 24 лістапада 2011 г.

[3] Арцыбіскупу Клаўдыё Гуджэроцці ўручылі ордэн Францішка Скарыны // catholic.by, 24 чэрвеня 2017 г. Праверана 25 чэрвеня 2017 г.

[1]

[2]

[3]