Новая Ўцеха
Но́вая Ўце́ха[3] — вёска ў Барысаўскім раёне Менскай вобласьці, за 6 км на паўночны захад ад Маісееўшчыны, 51 км на поўнач ад гораду і чыгуначнай станцыі Барысаў, 122 км ад Менску. Новая Ўцеха ўваходзіць у склад Маісееўшчынскага сельсавету. Рэльеф раўнінны, на ўсходзе і паўднёвым захадзе мяжуе зь лесам, на паўночнай ускраіне — сажалка. Транспартныя сувязі ажыцьцяўляюцца па мясцовай дарозе і далей па шашы Барысаў-Маісееўшчына.
| Новая Ўцеха | |
| трансьліт. Novaja Ŭciecha | |
| Першыя згадкі: | 19 стагодзьдзе |
| Краіна: | Беларусь |
| Вобласьць: | Менская |
| Раён: | Барысаўскі |
| Сельсавет: | Маісееўшчынскі |
| Вышыня: | 210 м н. у. м. |
| Насельніцтва | |
| колькасьць: | 7 чал. (2009)[1] |
| колькасьць двароў: | 4 (2008)[2] |
| Часавы пас: | UTC+3 |
| Тэлефонны код: | +375 177 |
| Паштовы індэкс: | 222152 |
| Нумарны знак: | 5 |
| Геаграфічныя каардынаты: | 54°35′44.99″ пн. ш. 28°38′55.00″ у. д. / 54.5958306° пн. ш. 28.6486111° у. д.Каардынаты: 54°35′44.99″ пн. ш. 28°38′55.00″ у. д. / 54.5958306° пн. ш. 28.6486111° у. д. |
Новая Ўцеха на мапе Беларусі ±   Новая Ўцеха | |
За 1 км на поўдзень ад вёскі захаваўся курганны могільнік (5 насыпаў), які сьведчыць пра засяленьне гэтых мясьцін у старажытнасьці. Паводле пісьмовых крыніц вядома з 19 стагодзьдзя. У 1897 годзе хутар, 2 двары, 17 жыхароў, у Красналукскай воласьці Барысаўскага павету Менскай губэрні. У 1917 годзе ў вёсцы 7 двароў, 56 жыхароў, на аднайменным хутары 20 жыхароў. Зь лютага да лістапада 1918 году на тэрыторыі, акупаванай войскамі кайзэраўскай Нямеччыны. Ад 1 студзеня 1919 году ў БССР, зь лютага — у Літ.-Бел. ССР, ад жніўня 1920 году зноў у БССР. У Вялікую Айчынную вайну з пачатку ліпеня 1941 году да 30 чэрвеня 1944 году акупаваная нямецкімі захопнікамі, знаходзілася ў межах Барысаўска-Бягомльскай партызанскай зоны. у 1960 годзе 188 жыхароў. У 1988 годзе 9 гаспадарак, 25 жыхароў. Вуліца амаль мэрыдыянальнай арыентацыі забудавана двухбакова, шчыльна, жылымі драўлянымі дамамі сядзібнага тыпу[2].
Насельніцтва
рэдагавацьКрыніцы
рэдагаваць- ^ а б Зьвесткі перапісу 2009 году
- ^ а б в Новая Уцеха // Гарады і вёскі Беларусі. Энцыкл. Т. 8. Кн. 1. — Менск, 2010. С. 169
- ^ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (djvu) С. 76