Моніка Бэлюччы

Мо́ніка Бэлю́ччы (па-італьянску: Monica Bellucci; нар. 1964) — італьянская кінаакторка.

Моніка Бэлюччы
Monica Bellucci
Дата нараджэньня	30 верасьня 1964 (60 гадоў)
Месца нараджэньня	Чыта ды Кастэла, Умбрыя
Грамадзянства	Італія
Месца вучобы	Пэруджаўскі ўнівэрсытэт
Занятак	акторка
Гады дзейнасьці	з 1990 году
Дзеці	Deva Cassel[d] і Léonie Cassel[d]
Узнагароды	Ордэн Ганаровага легіёну прэмія «Даностыя»[d] (2017)
IMDb	ID nm0000899
Моніка Бэлюччы ў Вікісховішчы

Біяграфія

Моніка Бэлюччы нарадзілася 30 верасьня 1964 году ў невялікім італьянскім горадзе Чыта ды Кастэла, правінцыя Умбрыя. Бацька — Рамано Бэлюччы, уладальнік кампаніі грузаперавозак. Пасьля канчатка школы Бэлюччы паступае на юрыдычны факультэт Унівэрсытэта Пэруджы. З мэтай зарабіць грошай на навучаньне яна пачынае падзарабляць мадэльлю, неўзабаве гэта становіцца асноўнай яе прафэсіяй. У 1988 годзе Бэлюччы кідае вучобу і пераязджае ў Мілян, цэнтар італьянскай моднай індустрыі. Тут яна падпісвае кантракт з мадэльным агенцтвам «Эліт», а праз год яна пераязджае ў Парыж.

У самым пачатку сваёй кар’еры яна стала тварам брэнда «D&G», пазіравала вядомаму італьянскаму фатографу Аліў’ера Таскані і Рычарду Авэдону, які ў свой час здымаў Мэрылін Манро.

Да 1989 году Моніка ўжо пасьпела папрацаваць і ў Парыжы і па той бок акіяна — у Нью-Ёрку. Нягледзячы на тое, што ёй атрымалася дамагчыся велізарнага посьпеху за гэтак кароткі час, пасьпеўшы папрацаваць на паказах Долчэ-Габана і Эль, Моніка разумее, што можа дамагчыся яшчэ большага посьпеху ў якасьці акторкі. Яна стала наведваць курсы акторскага майстэрства і прынялася вучыць ангельскую і францускую мовы.

З 1990 году Бэлюччы пачынае здымацца ў кіно, яе першай роляй становіцца праца ў італьянскім тэлевізійным фільме «Жыцьцё з сынамі». Неўзабаве Фрэнсіс Форд Копала заўважыў яе на вокладцы моднага часопіса і запрасіў на кастынг у сваёй новай карціне. Так яна ў 1992 годзе трапляе ў Галівуд і мае ролю нявесты Дракулы ў стужцы «Дракула», дзе яе партнэрамі па фільме сталі Вайнона Райдэр, Гэры Олдман, Кіяну Рыўз і Энтані Хопкінс.

Рэжысэр Жыль Мімуні стаў першым, хто рызыкнуў даць Бэлюччы галоўную ролю. У 1996 годзе Бэлюччы ўдала дэбютуе ў францускім кіно, здымаючыся ў фільме «Кватэра». За ролю ў гэтай карціне акторка намінуецца на прэмію Сэзар. На здымках фільма «Кватэра» Моніка Бэлюччы знаёміцца са сваім будучым мужам францускім акторам Вэнсанам Касэлям. Увосень 2004 г. у іх нараджаецца дзяўчынка, якую назвалі Дзевай. У 2000 годзе выходзіць карціна «Малена», якая канчаткова зацьвердзіла Бэлюччы як таленавітую акторку. Дадзеная карціна прынесла Моніцы сусьветную вядомасьць.

Разам з Касэлям Моніка здымаецца яшчэ ў цэлым шэрагу карцін, сярод якіх найболей прыкметныя «Дабэрман» (1997), «Братэрства ваўка» (2001), «Незваротнасьць» (2002). Апошні фільм стаў сэнсацыяй Канскага кінафэсту 2002 году. Наяўная ў карціне 9-хвілінная сцэна гвалту (гераіню Бэлюччы жорстка гвалтуе наркаман) выклікала буру нэгатыва ў гледачоў, частка зь якіх у знак пратэсту пакінула залю. Што цікава: на кінафэсьце ў Стакгольме карціна атрымала прыз.

Даўно пакінуўшы мадэльны бізнэс, Моніка не перастала здымацца, яна стала больш выбарчай. Акторка адпрэчыла прапанову «Плэйбоя» пра фотасэсію коштам больш 3 мільёнаў даляраў, затое зьявілася на вокладцы Esquire, апранутая толькі ў чорную ікру.

Нягледзячы на тое, што Моніцы атрымалася дасягнуць небывалых вышынь як у мадэльным бізнэсе, так і акторскай кар’еры, ёй не дае жыцьця мара аднойчы згуляць разам зь яе кумірам — Робэртам дэ Ніра.

З 2001 году Моніка Бэлюччы зьяўляецца тварам ювэлірнай кампаніі Cartier.

Фільмаграфія

Год	Руская назва	Арыгінальная назва	Персанаж
1990	Сталыя дзеці (TV)	Vita coi figli
1990	Брыганці	Briganti
1991	Злоўжываньне	Riffa, La	Франчэска
1992	Лёс Астыната	Ostinato destino	Марына і Анжэла
1992	Дракула	Dracula	нявеста Дракулы
1995	Сьнежны камяк	Mitici, I	Дэбора
1995	Сьнежка	Palla di neve	Мэліна
1995	Ёсіф (TV)	Joseph	Жонка фараона
1995	Рэшткі	Cielo è sempre più blu, Il
1996	Кватэра	L’Appartement	Ліза
1997	Дабэрман	Dobermann	Наталі
1997	Стрэсаці	Stressati
1997	Дрэнны жанр	Mauvais genre	Каміль
1997	Якім ты мяне жадаеш	Come mi vuoi	Нэліна
1998	Асалода	Plaisir
1998	Кампраміс	Compromis
1998	Сьвята ня будзе	Ultimo capodanno, L	Жулія
1998	Благі тон	A los que aman	Валерыя
1999	Непакорлівы	Méditerranées	Маргарыта
1999	Як рыбка без вады	Comme un poisson hors de l’eau	Мюртыль
2000	Пад падазронам	Under Suspicion	Шанталь
2000	Малена	Malèna	Малена
2000	Фрэнк Спадонэ	Franck Spadone	Лаўра
2001	Братэрства ваўка	Le Pacte des loups	Сыльвія
2002	Астэрыкс і Абэлікс: Місія «Клеапатра»	Astérix & Obélix: Mission Cléopâtre	Клеапатра
2002	Незваротнасьць	Irréversible	Алекс
2003	Матрыца: Перазагрузка	The Matrix Reloaded	Пэрсэфона
2003	Матрыца: Рэвалюцыя	The Matrix Revolutions	Пэрсэфона
2003	Сьлёзы Сонцы	Tears of the Sun	Ліна Хэндрыкс
2004	Запал Хрыстовы	The Passion of the Christ	Марыя Магдаліна
2004	Таемныя агенты	Agents secrets	Ліза
2004	Яна ненавідзіць мяне	She Hate Me	Сымона Банасэра
2005	Браты Грым	The Brothers Grimm	Каралева Люстэркі
2005	Колькі ты каштуеш?	Combien tu m’aimes?	Даніэла
2006	Шайтан	Sheitan	Прыгожая вампірша
2006	Прыстрэль іх	Shoot 'Em Up	Донна Квінтана
2006	Братэрства каменя	Concile de Pierre	Лаўра Сіпрыен
2006	Напалеон	Napoléon	Баранэса Эмілія Спэцыялі
2007	Цэнтральнасьць	Centricity
2007	Кіраўніцтва па каханьні 2 — наступныя часткі	Manuale d’amore 2 — Capitoli successivi
2007	Другое дыханьне	Deuxième souffle	Мануш

Моніка Бэлюччы з 1990 па 2007 год зьнялася ў 45 фільмах.

Вонкавыя спасылкі

• Моніка Бэлюччы (анг.) на сайце IMDb
• Monica Bellucci — расейскамоўны фан-сайт
• Monica-Belluci.net (анг.)
• Monica Bellucci Online (анг.)
• Monica Bellucci (фан-сайт)
• Monica Bellucci (італ.)