Марыя Сёдэрбэрг (фатограф)

Вікіпэдыя мае артыкулы пра іншых асобаў з прозьвішчам Сёдэрбэрг.

Марыя Сёдэрбэрг (па-швэдзку: Maria Söderberg, нар. 22 сакавіка 1959, Ар’еплюг, лэн Нарботэн, Швэцыя) — швэдзкая фотажурналістка і пісьменьніца. У другой палове 1990-х ачольвала суполку «Беларусь» (па-швэдзку: Vitryssland) у Швэцыі.

Марыя Сёдэрбэрг
Род дзейнасьці фатограф, пісьменьніца, журналістка
Дата нараджэньня 22 сакавіка 1959
Месца нараджэньня Ар’еплюг, Швэцыя
Грамадзянства Швэцыя
Занятак фатограф

БіяграфіяРэдагаваць

Кар’еру журналісткі пачала ў 1978 годзе ў газэце «Piteå-Tidningen» (у горадзе Пітэа на поўначы Швэцыі). У 1982—1986 гадох вучылася ў Стакгольмскім унівэрсытэце.

У 1982—1992 гадох разам з Андэрсам Сундэлінам рабіла рэпартажы з Аўганістану, Пакістану й Індыі; у сярэдзіне 90-х — з Казахстану, Харватыі, Сэрбіі, Босьніі і Герцагавіны, Эгіпту, ЗША й Расеі.

З 1997 году зацікавілася дэмакратычным і жаночым рухамі ў Беларусі. Адпраўным пунктам для гэтага паслужыла паездка ў Беларусь разам з Рышардам Капусьцінскім. Ладзіла штогадовыя літаратурныя падарожжы з Швэцыі ў Беларусь пры падтрымцы Швэдзкага інстытуту і Дзяржаўнай Рады Швэцыі па культуры. У супрацоўніцтве з Швэдзкім Дзяржаўным хаўрусам па барацьбе з наркотыкамі і пінскай культурніцкай суполкай «Калегіюм» зладзіла выставу пра наркотыкі, СНІД і гандаль людзьмі.

Вонкавыя спасылкіРэдагаваць