Лютгарда
Лютгарда, Людгарда — жаночае імя.
| Лютгарда лац. Lutgarda / Lutharda | |
| Leutgardis | |
| Паходжаньне | |
|---|---|
| Мова(-ы) | германскія |
| Утворанае ад | Liut + Gardo |
| Іншыя формы | |
| Варыянт(ы) | Людгарда |
| Зьвязаныя артыкулы | |
| якія пачынаюцца з «Лютгарда» | |
Паходжаньне
рэдагавацьЛютгарда або Людгерда (Leutgardis, Liudgerda) — імя германскага паходжаньня[1][2]. Іменная аснова -люд- (-лют-) (імёны ліцьвінаў Людвін, Лютар, Людамонт; германскія імёны Liudwin, Liutar, Ludimunt) паходзіць ад гоцкага і бургундзкага liuþs, leuda 'люд, людзі'[3], а аснова -гард- (-герд-, -герт-) (імёны ліцьвінаў Альгерд, Мундыгерд, Тэўтыгерд; германскія імёны Algardus, Mundgerd, Teutgerdis) — ад гоцкага gairdan 'падпяразваць' (пераноснае 'ахоўваць'), garda 'агароджа' (пераноснае 'ахова, бясьпека')[4].
Варыянты імя ў гістарычных крыніцах: konsultorka y mistrzynia z. S. B. W. Ludgarda Zegocianka… Ludgardy Zegozianki (14 чэрвеня 1763 году)[5]; starsza z-u S-o B-o WW. Ludgarda Żegocianka (6 верасьня 1763 году)[6]; Cornela Ludgarda Euphæmia Karpowiczowa (11 сакавіка 1788 году)[7].
Носьбіты
рэдагаваць- Лютгарда Алеманская (каля 776—800) — апошняя жонка Карла Вялікага
- Лютгарда Саксонская (каля 845—885) — каралева франкаў; жонка Людовіка Малодшага
- Лютгарда Саксонская (каля 932—953) — жонка Конрада I, герцага Лятарынгіі
- Лютгарда Люксэмбурская (каля 965/970 — па 1005) — графіня Заходняй Фрысьляндыі (Галяндыі); жонка Арнульфа, рэгентка пры малалетнім Дырку III
- Лютгарда Зальцвэдэльская (каля 1110—1152) — жонка караля Даніі Эрыка III
- Лютгарда Чэская († па 1126) — чэская князёўна
- Сьвятая Лютгарда (1182—1246) — флямандзкая Сьвятая, сьляпая манашка ордэна цыстэрцыянаў
Глядзіце таксама
рэдагавацьКрыніцы
рэдагаваць- ^ Förstemann E. W. Altdeutsches Namenbuch. Bd. 1: Personennamen. — Bonn, 1900. S. 1040.
- ^ Sheard K. M. Llewellyn’s Complete Book of Names for Pagans. — Llewellyn Worldwide, 2011. P. 366.
- ^ Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. — Менск, 2019. С. 18.
- ^ Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. — Менск, 2019. С. 17.
- ^ Историко-юридические материалы, извлеченные из актовых книг губерний Витебской и Могилевской, хранящихся в Центральном архиве в Витебске. Вып. 19. — Витебск, 1889. С. 118.
- ^ Историко-юридические материалы, извлеченные из актовых книг губерний Витебской и Могилевской, хранящихся в Центральном архиве в Витебске. Вып. 19. — Витебск, 1889. С. 129.
- ^ Sẽnosios Pasvalio bažnyčios knygos. XVIII. 1776—1788 metų mirties metrikų knyga. — Savilaida, 2016. P. 74.