Лебяда (рака)

Рака
	Лебяда
Агульныя зьвесткі
Выток	каля в. Калечыцаў
Вусьце	Нёман
Краіны басэйну	Беларусь
Вобласьці	Гарадзенская вобласьць
Даўжыня	67 км
Сярэднегадавы сьцёк	5 м³/с
Плошча басэйну	791 км²
Нахіл воднай паверхні	0,7 ‰
	Галерэя здымкаў у Вікісховішчы

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Лебяда.

Лебяда́, Лябёдка — рака ў Беларусі, правы прыток Нёману. Цячэа ў Шчучынскім і Мастоўскім раёнах Гарадзенскай вобласьці. Даўжыня 67 км. Плошча вадазбору 791 км². Выдатак вады ў вусьці каля 5 м³/с. Сярэдні нахіл воднай паверхні 0,7 ‰.

На рацэ стаіць гістарычнае мястэчка Васілішкі.

Асноўныя прытокі

Жужма, Касьцянёўка, Жалудзянка, Шкардзянка, Вялікая Лябёдка, Вавёрка, Голдаўка, Дубенка

Агульныя зьвесткі

Пачынаецца каля вёскі Калечыцаў Шчучынскага раёну, цячэ Лідзкай раўнінай.

Даліна трапэцападобная, у нізоўі месцамі невыразная. Абалона нізкая, двухбаковая, большай часткай забалочаная; шырыня яе 500—700 м. Рэчышча зьвілістае, шырыня ў межань да вусьця Вялікай Лябёдкі 8—12 м, ніжэй 15—25 м. Берагі стромкія і абрывістыя. На працягу 20,4 км рэчышча каналізаванае: ад вёскі Русанаўкі да вёскі Збражкаў (7,9 км) і ад вёскі Васілішкаў да вёскі Малога Мажэйкава (12,5 км). У абалоне мэліярацыйныя каналы^[1].

Крыніцы

^ Блакітная кніга Беларусі. Энцыкл. — Мн.: 1994. С. 216.

Літаратура

Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1
Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971.

[1] Блакітная кніга Беларусі. Энцыкл. — Мн.: 1994. С. 216.

[1]