Шкардзянка
рака ў Беларусі
Шкардзянка — рака ў Беларусі, левы прыток ракі Лебяды (басэйн Нёману). Цячэ ў Шчучынскім раёне Гарадзенскай вобласьці. Даўжыня 10 км. Плошча вадазбору 27 км². Сярэдні нахіл воднай паверхні 2,3‰.
| Шкардзянка | |
| Агульныя зьвесткі | |
|---|---|
| Выток | каля в. Старога Двару |
| Вусьце | Лебяда |
| Краіны басэйну | Беларусь |
| Вобласьці | Гарадзенская вобласьць |
| Даўжыня | 10 км |
На рацэ стаіць гістарычнае мястэчка Васілішкі.
Пачынаецца каля вёскі Старога Двару, упадае ў Лебяду за 1 км на паўднёвы ўсход ад вёскі Васілішкаў. Цячэ ў межах Лідзкай раўніны. Рэчышча ў верхняй і ніжняй плынях каналізаванае[1].
Крыніцы рэдагаваць
- ^ Энцыклапедыя прыроды Беларусі: у 5 т. Т. 5: Стаўраструм ― Яшчур / Рэдкал.: І. П. Шамякін (галоўны рэдактар) і інш. — Мн.: БелСЭ, 1986. С. 376.
Літаратура рэдагаваць
- Энцыклапедыя прыроды Беларусі: у 5 т. Т. 5: Стаўраструм ― Яшчур / Рэдкал.: І. П. Шамякін (галоўны рэдактар) і інш. — Мн.: БелСЭ, 1986. — 581 с.