Касьцёл Узвышэньня Сьвятога Крыжа (Галынка)

Помнік сакральнай архітэктуры
Касьцёл Узвышэньня Сьвятога Крыжа
Касьцёл Узвышэньня Сьвятога Крыжа
Краіна	Беларусь
Вёска	Галынка
Каардынаты	53°46′24.27″ пн. ш. 23°34′14.76″ у. д.
Канфэсія	каталіцтва
Эпархія	Гарадзенская дыяцэзія
Архітэктурны стыль	нэаклясыцызм
Касьцёл Узвышэньня Сьвятога Крыжа на мапе Беларусі Касьцёл Узвышэньня Сьвятога Крыжа
Касьцёл Узвышэньня Сьвятога Крыжа на Вікісховішчы

Касьцёл Узвышэньня Сьвятога Крыжа — помнік архітэктуры другой паловы XIX стагодзьдзя ў Галынцы. Знаходзіцца ў цэнтры колішняга мястэчка. Твор архітэктуры нэаклясыцызму.

Гісторыя

Мураваны касьцёл у Галынцы збудавалі ў 1870-я гады.

У 1947 годзе савецкія ўлады зачынілі касьцёл. У 1989 годзе будынак касьцёла вярнулі каталікам.

Архітэктура

Помнік архітэктуры нэаклясыцызму. Падоўжана-восевую крыжова-цэнтральную кампазыцыю будынка, які абапіраецца на два 8-гранныя ў сечыве слупы, складаюць шырокі нартэкс з 2-яруснай чацьверыковай званіцай над ім, нэф з бакавымі крыламі трансэпта, апсыда. У сяродкрыжжы ўзвышаецца квадратны барабан пад 4-схільным дахам і шатровай вежай у завяршэньні. Над званіцай — вытанчаная шатровая вежа-ліхтар. Ад клясычнай архітэктуры ўжываюцца пілястры, архівольты аркавых аконных праёмаў у прафіляваных ліштвах, трыкутныя франтоны крылаў трансэпта.

Усярэдзіне малітоўная заля перакрываецца драўляным стральчатым скляпеньнем, апсыда — самкнутым 4-гранным. Інтэр’ер аздабляецца трыма алтарамі, сьцены — росьпісамі пад мармур. Пры ўваходзе драўляныя хоры на двух 8-гранных слупах.

Літаратура

• Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

• Касьцёл Узвышэньня Сьвятога Крыжа ў Галынцы, Radzima.org