Касьцёл Сьвятых Апосталаў Пятра і Паўла (Дрысьвяты)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Сьвятых Апосталаў Пятра і Паўла (неадназначнасьць).

Помнік сакральнай архітэктуры
Касьцёл Сьвятых Апосталаў Пятра і Паўла
Касьцёл Сьвятых Апосталаў Пятра і Паўла
Краіна	Беларусь
Вёска	Дрысьвяты
Каардынаты	55°35′24.56″ пн. ш. 26°40′00.91″ у. д. / 55.5901556° пн. ш. 26.6669194° у. д. / 55.5901556; 26.6669194Каардынаты: 55°35′24.56″ пн. ш. 26°40′00.91″ у. д. / 55.5901556° пн. ш. 26.6669194° у. д. / 55.5901556; 26.6669194
Канфэсія	каталіцтва
Эпархія	Віцебская дыяцэзія
Архітэктурны стыль	народнае дойлідзтва Беларусі^[d]
Аўтар праекту	Лявон Вітан-Дубейкаўскі
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Касьцёл Сьвятых Апосталаў Пятра і Паўла на мапе Беларусі Касьцёл Сьвятых Апосталаў Пятра і Паўла
Касьцёл Сьвятых Апосталаў Пятра і Паўла на Вікісховішчы

Касьцёл Сьвятых Апосталаў Пятра і Паўла — помнік архітэктуры першай паловы XX ст. у Дрысьвятах. Знаходзіцца ў цэнтры колішняга мястэчка, на Замкавай вуліцы. Дзейнічае. Твор традыцыйнай беларускай драўлянай архітэктуры з рысамі стылю мадэрну. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя рэдагаваць

Драўляны касьцёл у Дрысьвятах збудавалі ў 1929 годзе паводле праекту архітэктара Лявона Вітан-Дубейкаўскага

У 1970-я гады савецкія ўлады зачынілі касьцёл. У 1990-я гады будынак касьцёла вярнулі каталікам.

Архітэктура рэдагаваць

Помнік традыцыйнай беларускай драўлянай архітэктуры з рысамі стылю мадэрну. Гэта прастакутны ў пляне будынак зь 5-граннай алтарнай апсыдай, бабінцам і закрысьціямі, накрыты дахам складанай формы. Галоўны фасад вылучаецца высокай 5-яруснай вежай-званіцай (першы і другі ярусы чацьверыковыя, трэці — васьмерыковы, чацьверты і пяты — цыліндрычныя, уваход афармляюць падчэні на чатырох мураваных слупах. Ашаляваныя дошкамі сьцены праразаюцца прастакутнымі аркавымі і круглымі вокнамі.

Унутраная прастора падзяляецца васьмю слупамі на тры нэфы. Столь кесанаваная, з арнамэнтальнай размалёўкай. Над бабінцам месьцяцца хоры^[1].

Галерэя рэдагаваць

Гістарычныя здымкі рэдагаваць

Старыя здымкі
Стары касьцёл, 1908 г.
да 1939 г.
да 1939 г.
1920-я гг.

1927 г.
1930 г.
чэрвень 1934 г.
1930-я гг.

Сучасныя здымкі рэдагаваць

Сучасны стан
Агульны выгляд
З боку апсыды
Інтэр’ер
Алтар

Крыніцы рэдагаваць

^ Кулагін А. Каталіцкія храмы Беларусі. — Менск, 2008.

Літаратура рэдагаваць

Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі рэдагаваць

Касьцёл Сьвятых Апосталаў Пятра і Паўла ў Дрысьвятах, Radzima.org

[1] Кулагін А. Каталіцкія храмы Беларусі. — Менск, 2008.

[1]