Касьцёл Найсьвяцейшай Тройцы (Высокае)

Помнік сакральнай архітэктуры
Касьцёл Найсьвяцейшай Тройцы
Касьцёл Найсьвяцейшай Тройцы
Краіна	Беларусь
Места	Высокае
Каардынаты	52°22′16.70″ пн. ш. 23°22′16″ у. д.
Канфэсія	Каталіцкая царква
Эпархія	Пінская дыяцэзія
Архітэктурны стыль	барокавая архітэктура
Заснавальнік	Вітаўт
Касьцёл Найсьвяцейшай Тройцы на мапе Беларусі Касьцёл Найсьвяцейшай Тройцы
Касьцёл Найсьвяцейшай Тройцы на Вікісховішчы

Фарны касьцёл Найсьвяцейшай Тройцы — помнік архітэктуры XVII—XVIII стагодзьдзяў у Высокім. Знаходзіцца ў заходняй частцы места, паміж гістарычнымі вуліцамі Касьцельнай і Пераскокам. Дзее. Твор архітэктуры барока, часткова зруйнаваны савецкімі ўладамі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Касьцёл і замак. Н. Орда, 1876 г.

Вялікае Княства Літоўскае

Першы касьцёл у Высокім заснаваў у XV ст. вялікі князь Вітаўт.

У 1603—1608 гадох з фундацыі падчашага Андрэя Войны збудавалі мураваны Фарны касьцёл, які двойчы рэканструявалі — у 1735 і 1772 гадох.

Пад уладай Расейскай імпэрыі

Па трэцім падзеле Рэчы Паспалітай (1795 год), калі Высокае апынулася ў складзе Расейскай імпэрыі, касьцёл працягваў дзеяць. У 1872 годзе будынак касьцёла аднавілі за кошт Марыі Патоцкай.

Найноўшы час

У 1935 годзе касьцёл меў 2200 парафіянаў. Па Другой сусьветнай вайны савецкія ўлады зачынілі касьцёл і часткова зруйнавалі яго будынак дзеля пераробкі пад спартовую залю.

У 1990 годзе будынак касьцёла вярнулі каталікам, пачалося яго аднаўленьне.

Архітэктура

Помнік архітэктуры барока. Гэта 2-вежавая базыліка з трансэптам і сыгнатуркай над скрыжаваньнем з асноўным аб’ёмам. З бакоў галоўнага фасаду, завершанага 2-гранным атыкам і падзеленага пілястрамі, узвышаюцца высунутыя 4-ярусныя вежы. У цэнтры прастакутны ўваходны праём, над якім разьмяшчаўся рэльефны лацінскі крыж. Вуглы ярусаў вежаў аздабляюцца пілястрамі.

Галерэя

• Гістарычныя здымкі
• 
  1905 г.
• 
  1915—1918 гг.
• 
  1915—1918 гг.
• 
  да 1939 г.

• 
  да 1939 г.
• 
  Ю. Клос, 1930 г.
• 
  1933 г.
• 
  1934 г.

• 
  1930 гг.
• 
  1939 г.
• 
  1941—194 гг.
• 
  1941—194 гг.

Літаратура

• Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  113Г000336

• Касьцёл Найсьвяцейшай Тройцы ў Высокім, Radzima.org