Касьцёл Адведзінаў Найсьвяцейшай Панны Марыі (Альковічы)
| Помнік сакральнай архітэктуры | |
Касьцёл Адведзінаў Найсьвяцейшай Панны Марыі
| |
 Касьцёл Адведзінаў Найсьвяцейшай Панны Марыі
| |
| Краіна | Беларусь |
| вёска | Альковічы |
| Каардынаты | 54°29′34″ пн. ш. 27°25′53″ у. д. / 54.49278° пн. ш. 27.43139° у. д.Каардынаты: 54°29′34″ пн. ш. 27°25′53″ у. д. / 54.49278° пн. ш. 27.43139° у. д. |
| Канфэсія | Каталіцкая царква і каталіцтва |
| Эпархія | Менска-Магілёўская архідыяцэзія |
| Архітэктурны стыль | нэаготыка |
| Статус | Дзяржаўны сьпіс гісторыка-культурных каштоўнасьцяў Рэспублікі Беларусь |
Касьцёл Адведзінаў Найсьвяцейшай Панны Марыі на мапе Беларусі   Касьцёл Адведзінаў Найсьвяцейшай Панны Марыі | |
 Касьцёл Адведзінаў Найсьвяцейшай Панны Марыі на Вікісховішчы
| |
Касьцёл Адведзінаў Найсьвяцейшай Панны Марыі — каталіцкі храм у цэнтры в. Альковічы (Вялейскі раён). Пабудаваны ў 1897—1902 гадох. Помнік архітэктуры нэаготыкі.
У 1699 годзе ў Альковічах была пабудаваная драўляная каталіцкая капліца з выявай Панны Марыі. У 1722 годзе біскуп Аляксандр Гараін, які валодаў Альковічамі, пабудаваў на свае сродкі драўляны касьцёл Раства Божай мацi. У другой палове XVIII стагодьдзя парафія ў Альковічах атрымала статус самастойнай. У гэты перыяд храм меў памеры 26х11 мэтраў, побач з храмам стаяла асобная двух'ярусная драўляная званіца. У 1761 годзе манахі з ордэна кармелітаў заснавалі пры касьцёле шпiталь.
У 1754 быў пабудаваны новы касьцёл у стылі нэаклясіцызм з шасьцікалонным порцікам і двух'яруснай вежай.
У 1886 годзе пробашчам Альковіцкай парафіі быў ксёндз Гаспер Якубоўскі.
У 1897—1902 гадох побач са старым касьцёлам ішло ўзьвядзеньне нэагатычнага каменнага храма, асьвечанага ў 1905 годзе ў гонар Наведвання Найсвяцейшай Панны Марыi. Стары драўляны храм не захаваўся.
У 1915 годзе пробашчам Альковіцкага касьцёла Вілейскага дэканата быў Мячыслаў Петржыкоўскі.
У 1950 годзе храм быў зачынены Савецкiмi ўладамi, будынак выкарыстоўваўся, як збожжасховішча.
У 1969 годзе дах касьцёлу пацярпеў ад пажару, пазьней быў адрамантаваны.
У 1989 годзе храм Адведзiнаў быў вернуты Каталіцкай царкве, адрэстаўраваны і цяпер служыць дзеючым каталіцкім храмам. Яго прыхаджанамі з'яўляюцца ня толькі жыхары саміх Альковічаў, але і суседніх вёсак.
Архітэктура
рэдагаваць
Касьцёл уяўляе сабой трохнэфны аднавежавы храм сымэтрычнай аб’ёмна-прасторавай кампазыцыі з трохграннай высокай апсыдай, да якой прымыкаюць невысокія сакрысьціі. Апсыда і бакавыя фасады па вуглах умацаваныя ступеньчатымі контрфорсамі. Вежа шмат'ярусная (завяршэньне не захавалася). Ніжні ярус вылучаны стральчатым парталам галоўнага ўваходу з вімпэргам, над якім вялікае акно-«ружа». Другі ярус аддзелены ад ніжняга цагляным накладным арнамэнтам паміж двума карнізамі.
Тарэц алтарнай часткі завершаны трохвугольным шчытом зь невялікай вежачкай. Вокны касьцёлу стральчатыя, розныя па шырыні і вышыні. Сьцены дэкарыраваныя аркатурнымі паясамі сухарыкаў, нішамі. Унутраная прастора перакрытая стральчатым скляпеньнем (захавалася часткова), якое падтрымліваюць шматслойныя калёны і пілястры. Калёны завершаныя керамічнымі плітамі з выявамі лісьця і пладоў вінаграду. На хорах — арган, упрыгожаны драўлянай разьбой з гатычнымі матывамі ў кампазыцыі і дэкоры.
Глядзіце таксама
рэдагавацьЛітаратура
рэдагаваць- «Архітэктура Беларусі. Энцыклапедычны даведнік», Менск 1993
Вонкавыя спасылкі
рэдагаваць
|
Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр 612Г000109 |