Завад

За́вад — вёска ў Беларусі, на рацэ Окра. Уваходзіць у склад Стараруднянскага сельсавету Жлобінскага раёну Гомельскай вобласьці. Насельніцтва 50 чал. (2004). Знаходзіцца за 20 км на паўднёвы ўсход ад места Жлобін, за 7 км ад чыгуначнай станцыі Хальч (лінія Жлобін — Гомель), за 75 км ад Гомелю.

Завад
Першыя згадкі:	XIX ст.
Вобласьць:	Гомельская
Раён:	Жлобінскі
Сельсавет:	Стараруднянскі
Насельніцтва:	50 чал. (2004)
Часавы пас:	UTC+3
Геаграфічныя каардынаты:	52°48′0″ пн. ш. 30°12′32″ у. д.
Завад на мапе Беларусі Завад

Побач аўтадарога Бабруйск — Гомель. Пляніроўка складаецца з выгнутай шыротнай вуліцы, забудаванай двухбакова драўлянымі сядзібамі.

Гісторыя

Паводле пісьмовых крыніцаў вядомая з XIX стагодзьдзя як вёска ў Рагачоўскім павеце Магілёўскай губэрні Паводле рэвізіі 1858 году валоданьне абшарніка Сеняжэцкага. З 1860 году працавала сукнавальня, з 1875 году — бярозава-дзёгцевы завод. Паводле перапісу 1897 году знаходзіўся вадзяны млын. У 1909 годзе школа, 706 дзесяцін зямлі, у Стараруднянскай воласьці Рагачоўскага павету.

У 1931 годзе арганізаваны калгас. У часе Вялікай Айчыннай вайны у сьнежні 1943 акупанты спалілі 47 двароў, забілі 2 жыхароў. У сакавіку 1944 у вёсцы разьмяшчаўся палявы шпіталь савецкіх войскаў. Паводле перапісу 1959 году ў складзе калгасу імя С. М. Кірава (цэнтар — вёска Старая Рудня).

Насельніцтва

• XIX стагодзьдзе: 1858 — 11 двароў, 77 жыхароў; 1897 — 30 двароў, 188 жыхароў (паводле перапісу)
• XX стагодзьдзе: 1909 — 38 двароў, 254 жыхары; 1925 — 56 жыхароў; 1940 — 50 двароў, 210 жыхароў; 1959 — 206 жыхароў (паводле перапісу)
• XXI стагодзьдзе: 2004 — 26 гаспадарак, 50 жыхароў

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.