Дынама Заграб

«Дынама» (па-харвацку: Dinamo) — харвацкі футбольны клюб з гораду Заграбу. Заснаваны ў 1945 годзе. 25-разовы чэмпіён Харватыі, 17-разовы ўладальнік Кубка Харватыі. Чатырохразовы чэмпіён Югаславіі, сяміразовы ўладальнік Кубка Югаславіі.

Дынама Заграб
Поўная назва	Građanski nogometni klub Dinamo Zagreb
Заснаваны	9 чэрвеня 1945
Горад	Заграб, Харватыя
Стадыён	Максымір Умяшчальнасьць: 35 123
Галоўны трэнэр	Нэнад Беліца[d]
Чэмпіянат	Футбольная ліга
· 2023—2024	1 месца
Галерэя здымкаў у Вікісховішчы Афіцыйны сайт

Гісторыя

Футбольны клюб у Заграбе быў створаны ў 1911 годзе, калі яшчэ горад быў часткай Аўстра-Вугоршчыны. Клюб атрымаў назву «Граджанскі». У дадатак, клюб меў шматспартовую скіраванасьць з выразна харвацкай ідэнтычнасьцю. Акрамя футболу клюб меў каманды па гандболе і роварным спорце. Спачатку футбалісты выступалі на розных пляцоўках у заграбскіх раёнах Тушканац, Марцінаўцы, Канале і Максыміры, пакуль каманда не прыдбала свой уласны стадыён на вуліцы Котурашка, які быў афіцыйна адкрыты ў 1924 годзе Сьцепанам Радычам, вядомым харвацкім палітыкам таго часу. Па Другой сусьветнай вайне «Граджанскі» быў забаронены, як і вялікая колькасьць іншых харвацкіх клюбаў. Наўзамен у чэрвені 1945 году ўжо пасьля трох дзён пасьля ліквідацыі «Граджанскага» быў утвораны клюб «Дынама». У кіраўніцтва клюбу ўвайшлі некаторыя дзеячы «Граджанскага».

У 1991—1993 гадах меў назву «ХАШК Граджанскі», а ў 1993—2000 гадах — «Краацыя». У канцы 1990-х клюб двойчы запар дасягаў групавога этапу Лігі чэмпіёнаў УЭФА. У сэзоне 1998—1999 гадоў яны спаборнічалі ў адной групе з «Аяксам», «Алімпіякосам» і «Порту». Пасьля несуцяшальных першых трох матчаў, дзе пасьля хатняй нічыі з «Аяксам» клюб двойчы атрымаў паразы з «Алімпіякосам» і «Порту», паказьнікі харватаў палепшыліся. У наступным хатнім матчы яны перамаглі «Порту», а потым у Амстэрдаме былі мацней за «Аякс». У апошнім матчы групы заграбцы згулялі ўнічыю з «Алімпіякосам». У сэзоне 1999–2000 гадоў «Краацыя» скончыла групавы этап на апошнім чацьвертым месцы, здабыўшы толькі адну перамогу і дзьве нічыю. Супернікамі клюбу ў тым розыгрышы былі «Манчэстэр Юнайтэд», «Марсэль» і «Штурм».

Склад

Актуальны на 13 верасьня 2024 году

№ Пазыцыя Імя Год нараджэньня 1 Бр Даніел Загарац 1987 2 Аб Садэг Магарамі 1996 3 Аб Такуя Агівара (ар. Урава Р.Д.) 1999 4 Аб Рауль Тарэнтэ 2001 5 ПА Арыян Адэмі 1991 6 Аб Максім Бэрнаўэр 1998 7 Нап Лука Стойкавіч 2003 8 ПА Лукас Качавэнда 2003 9 Нап Бруна Пэткавіч 1994 10 ПА Марцін Батурына 2003 11 Нап Арбэр Ходжа 1998 13 Аб Самі Маэ 1996 14 Аб Ян Алівэрас (ар. Рома) 2004 17 Нап Сандра Куленавіч 1999 18 Аб Ранаэль П’ер-Габрыель 1998 19 Нап Хуан Кордаба 2003 20 Нап Марка П’яца 1995 21 Нап Натанаэль Мбюкю 2002

№ Пазыцыя Імя Год нараджэньня 22 Аб Стэфан Рыстоўскі 1992 23 Бр Іван Філіпавіч 1994 25 ПА Пэтар Сучыч 2003 27 ПА Ёсіп Мішыч 1994 28 Аб Кевін Тэафіль-Катрын 1989 30 ПА Марка Рог (ар. Кальяры) 1995 32 Бр Фарыс Кркаліч 2002 33 Бр Іван Нэвістыч 1998 39 Аб Маўра Пэркавіч 2003 55 Аб Дына Пэрыч 1994 66 ПА Бранка Павіч 2006 77 Нап Дарыё Шпікіч 1999 — Бр Дорыян Кларын 2005 — Аб Матыя Рушкавачкі 2005 — Нап Лука Мэнала 1996 — Аб Домінік Браўн 2003 — Аб Пэтар Бочкай 1996 — Аб Філіп Брэкала 2003

Вонкавыя спасылкі

• Афіцыйны сайт