Дубічы Царкоўныя

Ду́бічы Царко́ўныя (па-падляску: Dúbičy Cerkóvny, Дубічы Цэрковны; па-польску: Dubicze Cerkiewne) — вёска ва ўсходняй Польшчы, цэнтар гміны ў Гайнаўскім павеце Падляскага ваяводзтва. Жыхары вёскі — этнічныя беларусы, якія карыстаюцца падляскім дыялектам беларускай мовы.

Дубічы Царкоўныя лац. Dubičy Carkoŭnyja
польск. Dubicze Cerkiewne
Першыя згадкі:	1568
Былая назва:	Żarywiec
Мясцовая назва:	Dúbičy Cerkóvny / Дубічы Цэрковны
Краіна:	Польшча
Ваяводзтва:	Падляскае
Павет:	Гайнаўскі
Гміна:	Дубічы Царкоўныя
Насельніцтва:	270 чал. (2006)
Часавы пас:	UTC+1
летні час:	UTC+2
Паштовы індэкс:	17-204
Геаграфічныя каардынаты:	52°38′57″ пн. ш. 23°26′33″ у. д.
Дубічы Царкоўныя на мапе Польшчы Дубічы Царкоўныя
Галерэя здымкаў у Вікісховішчы

Гісторыя

Вёска ўпершыню ўспамінаецца ў 1568 годзе, калі кароль Жыгімонт Аўгуст перадаў падкамораму дарагічынскаму Станіславу Хондзынскаму воласьць кляшчэляўскую — 6 вёсак, якія раней прыналежалі бельскаму стараству. Вёска Дубічы Царкоўныя разьмяшчалася на ўсход ад сёньняшняга месца ва ўрочышчы Бахматы, на гасьцінцы зь Бельску ў Камянец. У 17 ст. вёска пасьля вялікага пажару была перанесеная ў новае месца. У ліпені 1944 г. падчас савецка-нямецкіх баёў Дубічы былі цалкам спаленыя. Парафіяльная Пакроўская царква была адбудаваная толькі ў 1948 г., а ў 1954 г. была створаная гміна Дубічы Царкоўныя.

Рэлігійнае жыцьцё

Вёска заселеная галоўным чынам праваслаўнымі. Сярод іншых веравызнаньняў сустракаюцца тут баптысты, пяцідзясятнікі і толькі невялікая колькасьць каталікоў.

• 

  Пакроўская царква (1948)

• 

  Дом малітвы пяцідзясятнікаў

Выбітныя землякі

• Іван Краскоўскі (1880 — 1955) — беларускі грамадзка-палітычны дзяяч, публіцыст, пэдагог
• Ян Чыквін (1940 – 2022) — беларускі паэт, які жыве ў Польшчы, рэдактар часопісу «Тэрмапілы»