Дзягільна

Дзя́гільна — вёска ў Койданаўскім сельсавеце Койданаўскага раёну Менскай вобласьці Беларусі. За 4 км ад Койданава, 39 км ад Менску, 6 км ад чыгуначнай станцыі Койданава.

Дзягільна
трансьліт. Dziahiĺna
Першыя згадкі:	XVI стагодзьдзе
Краіна:	Беларусь
Вобласьць:	Менская
Раён:	Койданаўскі
Сельсавет:	Койданаўскі
Насельніцтва:	397 чал. (2010)
Часавы пас:	UTC+3
Тэлефонны код:	+375 1716
Паштовы індэкс:	222712
СААТА:	6222817026
Нумарны знак:	5
Геаграфічныя каардынаты:	53°41′5″ пн. ш. 27°4′36″ у. д.
Дзягільна на мапе Беларусі ± Дзягільна Дзягільна
Галерэя здымкаў у Вікісховішчы

Гісторыя

Вядома з XVI стагодзьдзя пад назвай Дзягільна Вялікая, Дзягільна Малая. У 1588 г. у Койданаўскай воласьці належала магнатам Радзівілам, мела 51 валоку зямлі. Паводле інвэнтару 1621 г., фальварак Койданаўскага графства. Сяляне плацілі чынш, адбывалі паншчыну, іншыя павіннасьці. У 1883 г. адкрыты дзьве школы граматы, у кожнай вучылася па 16 хлопчыкаў. У XIX ст. належала шляхціцам Янушкевічам. У пачатку XX ст. у Койданаўскай воласьці Менскага павету, 91 двор, 464 жыхары. Помнікі: на брацкай магіле 32 савецкіх воінаў, якія загінулі ў Вялікую Айчынную вайну; магіла пісьменьніка і дасьледчыка Казахстану Адольфа Янушкевіча.

Насельніцтва

• 2010 год — 397 жыхароў
• 1 студзеня 2004 году — 163 двары, 378 жыхароў
• 1999 год — 369 жыхароў

Літаратура

• Памяць: Гіст.-дакум. хроніка Дзяржынскага р-на. — Мн.: БЕЛТА, 2004. — 704 с.: іл. ISBN 985-6302-64-1.
• Dziahilnia // Słownik geograficzny Królestwa Polskiego i innych krajów słowiańskich. Tom II: Derenek — Gżack. — Warszawa, 1881. — S. 261