Дзьмітры Лісаковіч
Дзьмі́тры Лісако́віч (нар. 10 кастрычніка 1999 году) — беларускі футбаліст і футзаліст, гулец жодзінскага клюбу «Тарпэда-БелАЗ».
| Дзьмітры Лісаковіч | ||
| Пэрсанальная інфармацыя | ||
|---|---|---|
| Нарадзіўся | 10 кастрычніка 1999[1] (24 гады) | |
| Рост | 167 см | |
| Вага | 67 кг[2] | |
| Пазыцыя | паўабаронца | |
| Клюбная інфармацыя | ||
| Клюб | Тарпэда-БелАЗ | |
| Нумар | 10 | |
| Клюбы | ||
| Гады | Клюб | Гульні (галы)¹ |
| 2015 | Узда | 26 (2) |
| 2017 | Крумкачы | 7 (0) |
| 2018 | Узда | 12 (3) |
| 2018—2019 | Тарпэда Менск | 6 (1) |
| 2021—2022 | Іслач | 45 (2) |
| 2023— | Тарпэда-БелАЗ | 27 (1) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера рэдагаваць
Выхаванец узьдзенскага футболу, у маладым узросьце трапіў у салігорскі «Шахцёр», але на дарослым роўні за клюб гэтак і не згуляў. У 2015 годзе абараняў колеры «Ўзды» ў Другой лізе. Сэзон 2016 году прапусьціў праз траўму, а ў пачатку 2017 году далучыўся да дубля сталічных «Крумкачоў». У ліпені 2017 году ў сувязі зь фінансавымі цяжкасьцямі «Крумкачы» пакінула шмат гульцоў, і Дзьмітры быў пераведзены ў асноўны склад. Дэбютаваў у Найвышэйшай лізе 29 ліпеня 2017 году ў матчы супраць «Віцебска» (2:2), калі выйшаў у пачатковым складзе і быў заменены ў другім тайме.
У студзені 2018 году праходзіў прагляд у жодзінскім «Тарпэда-БелАЗ», але беспасьпяхова[3]. Тым часам «Крумкачы» ня былі дапушчаныя да ўдзелу ў Найвышэйшай лізе ў сэзоне 2018 годе, і Дзьмітры зноў далучыўся да другалігавай «Узды», дзе быў адным зь лідэраў і капітанам каманды.
У жніўні 2018 году стаў гульцом менскага «Тарпэда»[4]. У сэзоне 2018 году гуляў выключна за дубль аўтазаводцаў, а да сэзону 2019 году рыхтаваўся з асноўнай камандай. 19 траўня 2019 году ўпершыню згуляў за «Тарпэда» ў Найвышэйшай лізе, выйшаўшы на замену ў канцы матча супраць берасьцейскага «Дынама» (0:1). У ліпені 2019 году ў сувязі зь фінансавымі праблемамі пакінуў «Тарпэда», а ў жніўні падпісаў трохгадовы кантракт з футзальным клюбам «Сталіца»[5].
З студзеня 2021 году трэнаваўся зь «Іслаччу», якая ў лютым аформіла пераход паўабаронцы[6]. Спачатку выходзіў на замену, пасьля пачаў зьяўляцца ў першай адзінаццатцы, а ў сэзоне 2022 году ўжо рэгулярна гуляў у асноўным складзе. Зь лета 2022 году быў капітанам каманды. У студзені 2023 году па заканчэньні кантракта пакінуў «Іслач»[7] і неўзабаве стаў гульцом жодзінскага «Тарпэда-БелАЗ»[8]. У студзені 2024 году падоўжыў пагадненьне з жодзінскім клюбам[9].
Дасягненьні рэдагаваць
- Бронзавы прызэр чэмпіянату Беларусі: 2023
- Уладальнік Кубка Беларусі: 2023
Статыстыка рэдагаваць
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Крумкачы | 2017 | Найвышэйшая ліга | 7 | 0 |
| Узда | 2018 | Другая ліга | 12 | 3 |
| Тарпэда | 2018 | Найвышэйшая ліга | 6 | 1 |
Крыніцы рэдагаваць
- ^ а б в Dmitri Lisakovich // Transfermarkt (мн.) — 2000.
- ^ а б в г https://fcisloch.by/player.asp?id=Dmitrij-Lisakovich-544&season=2023MEN
- ^ Дмитрий Лисакович не подошел "Торпедо-БелАЗ" (рас.)
- ^ Ряды минского "Торпедо" пополнил Дмитрий Лисакович (рас.)
- ^ Дмитрий Лисакович подписал контракт с чемпионом Беларуси по мини-футболу (рас.)
- ^ "Ислочь" выкупила у футзальной "Столицы" трансфер Дмитрия Лисаковича (рас.)
- ^ Дмитрий и Руслан Лисаковичи расстаются с "Ислочью" (рас.)
- ^ Футбол. Дмитрий Лисакович перешел в "Торпедо"-БелАЗ (рас.) Архіўная копія ад 2023-01-11 г.
- ^ Дмитрий Лисакович продлил контракт с "Торпедо-БелАЗом" (рас.)
Вонкавыя спасылкі рэдагаваць
- Статыстыка «ПБ-Инфо» (рас.)