Грунвальд
Гру́нвальд (па-польску: Grunwald, па-нямецку: Grünfelde, па-летувіску: Žalgiris) — вёска ў гміне Грунвальд Аструдзкага павету Вармінска-Мазурскага ваяводзтва Польшчы.
| Грунвальд | |
| польск. Grunwald | |
| |
| Першыя згадкі: | XIV стагодзьдзе |
| Краіна: | Польшча |
| Ваяводзтва: | Вармінска-Мазурскае |
| Павет: | Аструдзкі |
| Гміна: | Грунвальд |
| Вышыня: | 230 м н. у. м. |
| Насельніцтва: |
|
| Часавы пас: | UTC+1 |
| летні час: | UTC+2 |
| Паштовы індэкс: | 14-110 |
| Нумарны знак: | NOS |
| Геаграфічныя каардынаты: | 53°29′9″ пн. ш. 20°5′31″ у. д. / 53.48583° пн. ш. 20.09194° у. д.Каардынаты: 53°29′9″ пн. ш. 20°5′31″ у. д. / 53.48583° пн. ш. 20.09194° у. д. |
Грунвальд на мапе Польшчы   Грунвальд | |
 Галерэя здымкаў у Вікісховішчы
| |
Гісторыя
рэдагавацьУпершыню ўпамінаецца ў дакумэнтах на пачатку XIV стагодзьдзя.
За 2 кілямэтры на паўднёвы ўсход ад Грунвальду, паміж сучаснымі вёскамі Стэнбарк (па-нямецку: Tannenberg), Ладвігова (па-нямецку: Ludwigsdorf) і Ульнова знаходзіцца гістарычнае поле бойкі, у якой 15 ліпеня 1410 аб’яднанае літоўска-руска-польскае войска пад агульным кіраўніцтвам караля Ўладзіслава Ягайлы нанесла сакрушальную паразу крыжакам на чале з магістрам Тэўтонскага ордэну Ульрыхам фон Юнгінгэнам.
16 верасьня 1410 року, напрыканцы аблогі Мальбарку, Ягайла паведаміў у лісьце да біскупа Памяраніі пра свой намер збудаваць на полі ля Грунвальду брыгіцкі кляштар і царкву. Адным з прадказаньняў Сьв. Брыгіты (1303—1373) была разгромная параза крыжакоў. Гэтае прароцтва, скіраванае супраць Тэўтонскага Ордэну, было добра вядомае ў Польшчы, і Ягайла такім чынам хацеў паказаць, што ягонае войска спраўдзіла прароцтва Брыгіты. Аднак тэрыторыя, дзе адбывалася бітва, засталася ва ўладараньнях Ордэну, таму кляштар брыгітаў быў збудаваны колькімі гадамі пазьней у Любліне. У 1411 року новы магістар Тэўтонскага Ордэну Генрых фон Пляўэн распарадзіўся збудаваць на Грунвальдзкім полі капліцу Панне Марыі. Яна паўстала крыху ў іншым месцы — пасярэдзіне трохкутніку, утворанага вёскамі Грунфэльд, Людвігздорф і Танэнбэрг. Праз год фон Пляўэн атрымаў ад Папы Яна XXIII булу, якая гарантавала адпушчэньне грахоў усім, хто наведае капліцу ў пэўныя дні[1].
Глядзіце таксама
рэдагавацьКрыніцы і заўвагі
рэдагаваць- ^ Malcolm Barber, Victor Mallia-Milanes. Chapter 19. The Battle of Tannenberg-Grunwald-Žalgiris (1410) as Reflected in Twentieth-Century Monuments // Ваенныя Ордэны: гісторыя і спадчына = The Military Orders: History and heritage. — Ashgate Publishing, Ltd., 2008. — Т. 3. — С. 175-176. — ISBN 978-0-7546-6290-7