Віталь Кібук
Віталь Анатолевіч Кібук (нар. 7 студзеня 1989 году, Пінск, БССР) — беларускі футбаліст, паўабаронца пінскай «Хвалі».
| Віталь Кібук | ||
| ||
| Пэрсанальная інфармацыя | ||
|---|---|---|
| Нарадзіўся | 7 студзеня 1989[1] (36 гадоў) | |
| Рост | 177 см[2] | |
| Вага | 70 кг[2] | |
| Пазыцыя | паўабаронца | |
| Клюбная інфармацыя | ||
| Клюб | Хваля | |
| Нумар | 15 | |
| Клюбы | ||
| Гады | Клюб | Гульні (галы)¹ |
| 2006—2010 | Хваля | 71 (16) |
| 2010 | Дынама Берасьце | 9 (2) |
| 2011—2012 | Дынама Менск | 18 (1) |
| 2013—2014 | Менск | 54 (6) |
| 2015 | Тарпэда-БелАЗ | 15 (2) |
| 2016—2019 | Слуцак | 82 (9) |
| 2016 | Мікашэвічы | 14 (0) |
| 2020— | Хваля | 147 (40) |
| Зборныя | ||
| 2012 | Беларусь (да 23)[d] | 3 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьВыхаванец пінскага футбола, пачынаў кар’еру ў якасьці нападніка, абараняючы колеры роднай пінскай «Хвалі» зь Першай лігі. Другую палову сэзона 2010 году правёў у табары берасьцейскага «Дынама», а ўжо ў наступным годзе апынуўся ў складзе менскага «Дынама». Аднак, ня даўшы рады, за клюб правёў толькі 18 матчаў і ў лістападзе 2012 году кантракт быў скасаваны[3].
У студзені 2013 году падпісаў кантракт зь «Менскам»[4].. У «Менску» хутка замацаваўся ў галоўным складзе, дзе пачаў выступаць на пазыцыі правага паўабаронцы. У сэзоне 2013 году з 6 галамі стаў другім бамбардзірам клюбу пасьля Рамана Васілюка. У студзені 2014 году падоўжыў кантракт зь «Менскам» на год[5], але ў сэзоне 2014 году гульцу бракавала якасьці, таму звычайна толькі выходзіў на замену. У студзені 2015 году перайшоў у «Тарпэда-БелАЗ»[6]. У складзе жодзінскага клюбу пачаў пераважна выходзіць на замену. У студзені 2016 году пакінуў Жодзін[7].
У лютым 2016 году пасьля прагляду падпісаў кантракт зь мікашэвіцкім «Гранітам»[8], дзе спачатку выходзіў на замену. Надалей пачаў зьяўляцца ў складзе першай адзінаццатцы. У ліпені 2016 году далучыўся да «Слуцку»[9], дзе неўзабаве замацаваўся ў якасьці асноўнага правага паўабаронцы. У сьнежні 2017 году падоўжыў кантракт з случакамі[10]. У сэзоне 2018 году працягваў выступаць у стартавым складзе, толькі ў кастрычніку і лістападзе адсутнічаў праз пашкоджаньні. У сьнежні 2018 году склаў новую працоўную ўгоду з клюбам[11]. У сэзоне 2019 году страціў месца ў стартавым складзе, звычайна выходзіў на замену або заставаўся на лаўцы запасных. У сьнежні 2019 году скасаваў кантракт з «Слуцкам»[12].
У пачатку 2020 году пачаў трэнавацца зь пінскай «Хваляй» і ў лютым падпісаў з клюбам кантракт[13]. Хутка стаў гульцом асноўнага складу пінскай каманды. У студзені 2021 году падоўжыў пагадненьне з клюбам[14]. У сэзоне 2021 году заставаўся трывалым гульцом пачатковага складу, з 7-ю галамі стаў другім бамбардзірам каманды. У студзені 2022 году падоўжыў кантракт з клюбам яшчэ на год[15]. У сэзоне 2022 году быў абраны капітанам пінскай каманды, з 9-ю галамі стаў адным з найлепшым ейных бамбардзіраў.
У студзені 2023 году зноў падоўжыў супрацу з «Хваляй»[16]. У сьнежні 2023 году падпісаў новы гадавы кантракт з клюбам[17]. У студзені 2025 году стала вядома, што футбаліст працягне бараніць колеры «Хвалі» яшчэ на год[18].
Дасягненьні
рэдагаваць- Бронзавы прызэр чэмпіянату Беларусі: 2012
- Уладальнік Кубка Беларусі: 2013
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Тарпэда-БелАЗ | 2015 | Найвышэйшая ліга | 15 | 2 |
| Граніт | 2016 | Найвышэйшая ліга | 14 | 0 |
| Слуцак | 14 | 3 | ||
| 2017 | Найвышэйшая ліга | 28 | 3 | |
| 2018 | Найвышэйшая ліга | 25 | 2 | |
Крыніцы
рэдагаваць- ^ а б в Vitali Kibuk // Transfermarkt (мн.) — 2000.
- ^ а б в г д е http://fcvolna-pinsk.by/player/vitalij-kibuk/
- ^ Виталий Кибук покинул минское «Динамо» (рас.)
- ^ Виталий Кибук подписал контракт с «Минском» (рас.)
- ^ Бушма, Кибук, Маевский и Ковель продлили контракты с "Минском" (рас.) Праверана 2023-12-12 г.
- ^ Виталий Кибук перешел в "Торпедо-БелАЗ" (рас.) Праверана 2023-12-12 г.
- ^ Виталий Кибук покинул "Торпедо-БелАЗ" (рас.) Праверана 2023-12-12 г.
- ^ Лисица, Зенько, Турлин и Кибук пополнили ряды "Гранита" (рас.) Праверана 2023-12-12 г.
- ^ Голяткин, Кибук и Рушницкий подписали контракты со "Слуцком" (рас.) Праверана 2023-12-12 г.
- ^ "Слуцк" продлил контракты с шестью футболистами и расстался с Дударем (рас.) Праверана 2023-12-12 г.
- ^ Бобко, Кибук и Панкратов продлили контракты со "Слуцком" (рас.) Праверана 2023-12-12 г.
- ^ Кибук и Анюкевич покинули "Слуцк" (рас.) Праверана 2023-12-12 г.
- ^ Кибук сменил "Слуцк" на "Волну" (рас.) Праверана 2023-12-12 г.
- ^ Кибук останется в "Волне" еще минимум на сезон (рас.) Праверана 2023-12-12 г.
- ^ Виталий Кибук остаётся в «Волне» (рас.) Афіцыйны сайт пінскай «Хвалі» Праверана 2023-12-12 г.
- ^ Кибук и Раджабов продлили контракты с "Волной" (рас.) Праверана 2023-12-12 г.
- ^ "Волна" продлила контракты с капитаном и вратарем (рас.) Праверана 2023-12-12 г.
- ^ Виталий Кибук останется в «Волне» еще на сезон (рас.). Белорусский футбол (2025-01-11). Праверана 2025-03-24 г.
Вонкавыя спасылкі
рэдагаваць- Профіль на сайце «Менску» (рас.)
- Профіль на сайце transfermarkt.de (анг.)
- Статыстыка «ПБ-Инфо» (рас.)