Вярбічаў

Вярбі́чаў — пасёлак у Жлобінскім раёне Гомельскай вобласьці Беларусі, на рацэ Беліца. Уваходзіць у склад Луцкага сельсавету. Насельніцтва 51 чал. (2004). Знаходзіцца за 11 км на поўнач ад места Жлобін, за 10 км ад чыгуначнай станцыі Малевічы (лінія Бабруйск — Жлобін), за 103 км ад Гомелю. На поўдні, поўначы і захадзе мэліярацыйныя каналы.

Вярбічаў
Першыя згадкі:	XIX ст.
Вобласьць:	Гомельская
Раён:	Жлобінскі
Сельсавет:	Луцкі
Насельніцтва:	51 чал. (2004)
Часавы пас:	UTC+3
Геаграфічныя каардынаты:	52°58′0″ пн. ш. 29°57′55″ у. д.
Вярбічаў на мапе Беларусі Вярбічаў

Транспартныя сувязі па прасёлкавай, а затым аўтамабільнай дарозе Бабруйск — Гомель. Планоўка складаецца з дугападобнай шыротнай вуліцы. Жылыя хаты драўляныя, сядзібнага тыпу.

Гісторыя

Паводле пісьмовых крыніцаў вядомы з пачатку XIX стагодзьдзя як ваколіца ў Рагачоўскім павеце Магілёўскай губэрні. З 1880 году дзейнічала хлебазапасная крама. Паводле перапісу 1897 году ў Лукаўскай воласьці Рагачоўскага павету Магілёўскай губэрні. У 1909 годзе жыхары валодалі 150 дзесяцінамі зямлі.

У 1934 годзе арганізаваны калгас. 6 жыхароў загінулі ў часе Вялікай Айчыннай вайны. Паводле перапісу 1959 году ў складзе дапаможнай гаспадаркі раённага вытворчага аб’яднаньня «Сельгасхімія» (цэнтар — вёска Лукі).

Насельніцтва

• XIX стагодзьдзе: 1868 — 24 двары, 114 жыхароў; 1897 — 26 двароў, 155 жыхароў (паводле перапісу)
• XX стагодзьдзе: 1925 — 34 двары; 1959 — 163 жыхары (паводле перапісу)
• XXI стагодзьдзе: 2004 — 23 гаспадаркі, 51 жыхар

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.