Вэстра Ёталянд
Вэ́стра Ё́талянд (па-швэдзку: Västra Götalands län) — лэн, разьмешчаны на заходнім узьбярэжжы Швэцыі ўздоўж праліву Скагерак, пераважна ў ляндскапах Вэстэр’ётлянд, Богуслэн і Дальсьлянд, а невялічкія яго часткі — у Вэрмляндзе й Галяндзе. Мяжуе з лэнамі Вэрмлянд, Ёнчэпінг, Эрэбру, Эстэр’ётлянд і Галянд, а на паўночным захадзе — з Нарвэгіяй. Быў утвораны ў 1998 годзе шляхам аб’яднаньня лэнаў Скараборг, Эльфсборг, Гётэборг і Богус. Адміністрацыйны цэнтар — Гётэборг, другі паводле велічыні горад Швэцыі.
| Вэстра Ёталянд | |
| па-швэдзку: Västra Götalands län | |
 Герб | |
| Агульныя зьвесткі | |
|---|---|
| Краіна | Швэцыя |
| Статус | Лэн |
| Адміністрацыйны цэнтар | Гётэборг |
| Дата ўтварэньня | 1 студзеня 1998 |
| Ляндсгёўдынг | Стэн Тольгфарс |
| Насельніцтва (2023) | 1 767 016 (2-е месца) |
| Шчыльнасьць | 70,4 чал./км² |
| Плошча | 23 942 км² (5-е месца) |
| Шырата | Паўночная 58°13’1 |
| Даўгата | Усходняя 11°44’0 |
| Лэн Вэстра Ёталянд на мапе Швэцыі | |
| |
| Мэдыя-зьвесткі | |
| Код ISO 3166-2 | SE-O |
| Афіцыйны сайт | |
 Дадатковыя мультымэдыйныя матэрыялы | |
Геаграфія
рэдагаваць
Вэстра Ёталянд разьмешчаны на захадзе Швэцыі і падзяляецца на 49 камунаў — найбольшая колькасьць камунаў з усіх лэнаў Швэцыі. Насельніцтва складае 1 767 016 чал. (па стане на 31.12.2023). Лэн мае выйсьце да праліву Скагерак, а таксама да двух найбуйнейшых азёраў Швэцыі — Вэнэрну й Вэтэрну.
Найбуйнейшыя гарады
рэдагавацьПа стане на 2020 год найбуйнейшымі гарадамі лэну Вэстра Ёталянд зьяўляюцца: Гётэборг (607 882 чал.), Бурос (74 042 чал.), Тральгэтан (50 502 чал.), Шэўдэ (39 580 чал.), Удэвала (35 916 чал.).
Вонкавыя спасылкі
рэдагаваць Вэстра Ёталянд — сховішча мультымэдыйных матэрыялаў