Вуса (прыток Нёмана, Наваградзкі раён)
Вуса (Уса́; у сярэдняй плыні канал Шу́біна, у нізкай плыні Шу́біна-Нёманскі канал) — рака ў Валожынскім, Стаўпецкім і Наваградзкім раёнах Беларусі, правы прыток Нёману. Даўжыня 75 км. Вадазбор 665 км². Выдатак вады ў вусьці 5 м³/с. Сярэдні нахіл воднай паверхні 1,1 ‰.
| Вуса | |
 Рака Вуса | |
| Агульныя зьвесткі | |
|---|---|
| Выток | каля в. Таўканы |
| Вусьце | Нёман |
| Краіны басэйну | Беларусь |
| Вобласьці | Гарадзенская вобласьць і Менская вобласьць |
| Даўжыня | 75 км |
| Сярэднегадавы сьцёк | 5 м³/с |
| Плошча басэйну | 665 км² |
| Нахіл воднай паверхні | 1,1 ‰ |
Асноўныя прытокі
рэдагавацьАгульныя зьвесткі
рэдагавацьПачынаецца за 1 км на ўсход ад вёскі Таўканы Валожынскага раёну, цячэ паўднёва-заходнімі схіламі Менскага ўзвышша, Налібоцкай пушчай, упадае ў Нёман за 2 км на паўночны ўсход ад мястэчка Любча Наваградзкага раёну.
Даліна ў высокай плыні трапэцападобная, яе шырыня 0,8—1 км, у Стаўпецкім раёне каля вёскі Драздоўшчына пашыраецца да 1,5 км, каля вёскі Пільніца звужаецца да 0,2 км. Абалона ў высокай і нізкай плыні двухбаковая (шырыня 0,1—0,15 км), у вярхоўі і нізоўі забалочаная, на астатнім працягу сухая, перасечаная ручаямі і мэліярацыйнымі каналамі. Рэчышча (шырыня 8—10 м) на працягу 20 км перад вусьцем каналізаванае[1].
Крыніцы
рэдагаваць- ^ Блакітная кніга Беларусі. Энцыкл. — Мн.: 1994. С. 376
Літаратура
рэдагаваць- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 376
- Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971
- Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
Вонкавыя спасылкі
рэдагаваць
Вуса (прыток Нёмана, Наваградзкі раён) — сховішча мультымэдыйных матэрыялаў