Руская вуліца (Вільня)

Ру́ская ву́ліца (лет. Rusų gatvė) — вуліца ў цэнтральнай частцы Вільні, у Старым Месьце. Зьвязвае вуліцы Літарацкую і свой гістарычны працяг (цяпер вуліца Майроніса) да моста ў Зарэчча.

Руская лац. Ruskaja
вуліца
Вільня
Агульная інфармацыя
Гістарычны раён	Старое Места
Былыя назвы	Мітрапаліцкая, Спаская, Прачысьценская
Даўжыня	150 м
Паштовыя індэксы	LT-01125
На мапе
Google
Вуліца Руская ў Вікісховішчы

Архітэктурныя дамінанты вуліцы — цэрквы Прачысьценская і Спаская (перабудаваная ў жылы дом), помнікі архітэктуры XIV—XIX стагодзьдзяў.

Гісторыя

Атрымала сваю назву ад Рускага Гораду, да якога яна праходзіць. У гістарычных крыніцах упамінаецца як Мітрапаліцкая (ад іншай назвы Рускага Гораду — юрыдыкі мітрапалітаў Кіеўскай, галіцкай і ўсяе Русі мітраполіі), Спаская (ад Спаскай царквы) і Прачысьценская (ад Прачысьценскай царквы).

Да 1-й паловы XX ст. была даўжэйшай і даходзіла да скрыжаваньня з Зарачанскай вуліцай і моста на Зарэчча. На гэтым працягу гістарычнай трасы (вуліца Майроніса) у наш час апынулася Прачысьценская царква, што раней стаяла на самой вуліцы.

4 верасьня 2016 году летувіскія ўлады ўрачыста адкрылі шыльду з назвай вуліцы на расейскай мове і выявай купалоў-цыбулінаў. З нагоды адкрыцьця выступіў расейскі фальклёрны ансамбль «Аринушка». У гэты ж дзень невядомыя замазалі шыльду карычневай фарбай.

Галерэя

• Руская вуліца ў мастацтве
• 
  Прачысьценская царква паводле інвэнтару XVII ст.
• 
  Прачысьценская царква да 1810
• 
  Прачысьценская царква да 1810
• 
  Прачысьценская царква, пераробленая ў анатамічную залю
• 
  Прачысьценская царква па маскоўскай перабудове, 1870
• 
  Руіны Спаскай царквы, 1870
• 
  Руіны Спаскай царквы, 1874
• 
  Прачысьценская царква. Ё. Камараўскас, 1899

Літаратура

• Луцкевіч Л. Вандроўкі па Вільні. — Вільня: Рунь, 1998.— 160 с.: іл. ISBN 9986-9228-2-8.

Вонкавыя спасылкі

• Віленскі каталёг