Лявон Луцкевіч
Лявон Луцкéвіч (13 сакавіка 1922, Вільня — 28 ліпеня 1997, Вільня) — беларускі грамадзкі і культурны дзяяч, пісьменьнік, пэдагог, мэмуарыст. Вязень савецкіх канцлягераў.
Лявон Луцкевіч | |
| Род дзейнасьці | грамадзкі дзяяч, пісьменьнік, мэмуарыст |
|---|---|
| Дата нараджэньня | 17 сакавіка 1922 |
| Месца нараджэньня | |
| Дата сьмерці | 28 ліпеня 1997 (75 гадоў) |
| Месца сьмерці | |
| Месца вучобы | |
| Занятак | грамадзкі дзяяч, мэмуарыст, пісьменьнік |
| Бацька | Антон Луцкевіч |
| Маці | Зоф’я Абрамовіч |
| Жонка | Галіна Войцік |
| Дзеці | Сын Яраслаў Войцік |
Жыцьцяпіс рэдагаваць
Сын прэм’ер-міністра Беларускай Народнай Рэспублікі Антона Луцкевіча, брат Юркі Луцкевіча. Скончыў Віленскую беларускую гімназію[1].
У Другую сусьветную вайну падчас нямецкай акупацыі настаўнічаў у Радашковічах і Баранавічах, прымаў удзел у нацыянальным падпольлі. Далучыўся да падпольнай Беларускай незалежніцкай партыі. У 1944 г. уступіў у Беларускую Краёвую Абарону. Далучыўся да беларускага дэсантнага батальёну Дальвіц[2].
Арыштаваны савецкай дзяржбясьпекай у Польшчы ў канцы 1945. У 1946 г. быў асуджаны ў Менску на судовым працэсе над кіраўніцтвам Беларускай Незалежніцкай Партыі. Пасьля вызваленьня жыў у Вільні. У 1988 г. стварыў віленскае беларускае культурнае таварыства. З канца 1980-х г. актыўна падтрымліваў беларускі адраджэнскі рух.
Жонкай Лявона Луцкевіча была дачка пісьменьніцы, вядомай беларускай адраджэнкі Зоські Верас — Галіна Войцік. Сям’я доўгі час жыла ў славутай «Лясной хатцы», дзе ў 1970—1980-ыя гады перабывала ці ня ўся беларуская інтэлігенцыя[3].
Лявон Луцкевіч быў сябрам Рады БНР, вёў беларускія перадачы на Летувіскім радыё і супрацаваў з Радыё Свабода, на чыіх хвалях у аўтарскім выкананьні прагучалі тэксты са старонак яго будучай кнігі «Вандроўкі па Вільні»[4].
Кнігі рэдагаваць
• Луцкевіч Л. Вандроўкі па Вільні. — Вільня: Рунь, 1998.— 160 с.: іл. ISBN ISBN 9986-9228-2-8.
Крыніцы рэдагаваць
- ^ 100 гадоў з дня нараджэння Лявона Луцкев, Беларускае Радыё Рацыя, 2022, https://web.archive.org/web/20230610093842/https://www.racyja.com/kultura/100-gadou-z-dnya-naradzhennya-lyavona-lutskev/
- ^ Леакадзія МІЛАШ, Весткі зь Вільні, Беларус, 535—2007, http://www.bielarus.org/open.php?n=535&a=4
- ^ 100 гадоў з дня нараджэння Лявона Луцкев, Беларускае Радыё Рацыя, 2022, https://web.archive.org/web/20230610093842/https://www.racyja.com/kultura/100-gadou-z-dnya-naradzhennya-lyavona-lutskev/
- ^ Лявон Луцкевіч, Па шляхох «Нашаніўска пары» (Фрагмент кнігі Лявона Луцкевіча «Вандроўкі па Вільні»), Часопіс ARCHE-Пачатак, 05.01.2013, https://web.archive.org/web/20230610093841/https://news.arche.by/by/page/science/krajaznaustva-navuki/10378
- ^ Леакадзія МІЛАШ, Весткі зь Вільні, Беларус, 535—2007, http://www.bielarus.org/open.php?n=535&a=4
|
|
Дзеля паляпшэньня артыкулу неабходна:
|
|---|
