Вольфія бескаранёвая
Вольфія бескаранёвая (Wolffia arrhiza) — від кветкавых расьлін сямейства Ароньнікавыя (Araceae). Вонкава выглядае як драбнюткія сакавіта-зялёныя, ледзь выцягнутыя кулі меншыя за 1 мм. Тым ня менш, вольфія мае мікраскапічныя кветкі, хай непрыкметныя, але паўнавартасныя.
| Вольфія бескаранёвая | |
 | |
| Клясыфікацыя | |
|---|---|
| Царства | Расьліны |
| Аддзел | Кветкавыя расьліны |
| Кляса | Аднадольныя |
| Атрад | Шальнікакветныя |
| Сямейства | Ароньнікавыя |
| Падсямейства | Раскавыя |
| Род | Вольфія |
| Від | Вольфія бескаранёвая |
| Бінамінальная намэнклятура | |
| Wolffia arrhiza Horkel ex Wimm. (1857) | |
| Ахоўны статус | |
| Найменшая рызыка (LC) | |
Распаўсюджаньне рэдагаваць
У прыродзе вольфія бескаранёвая сустракаецца ў трапічных лясох Азіі, Афрыцы, а таксама ў Заходняй і Цэнтральнай Эўропе, Міжземнаморʼі і Індыі. Ва Ўкраіне рэдкі від, сустракаецца часьцей за ўсё ў вадаёмах лесастэпу. Для Беларусі расьліна занесеная ў чырвоную кнігу, яна сустракаецца толькі на самым поўдні краіны, цяпер і на Белавескай пушчы.
Вольфія бескаранёвая любіць стаячую ваду, напрыклад, маленькае возера; у непрыдатных для яе ўмовах не размножваецца. Праточная вада гібельная для яе.
Апісаньне рэдагаваць
Гэты від зьяўляецца найменшай кветкавай расьлінай ў сьвеце. Расьліна прадстаўляе сабой малюсенькія эліпсападобныя ліспападобныя ўтварэньні, памеры якіх не перавышаюць 1 мм. Вольфія бескаранёвая, як вынікае з назова, не патрабуе каранёвай сыстэмы і жыве на паверхні вады.
Размнажэньне рэдагаваць
Пры спрыяльных умовах вольфія вельмі хутка размнажаецца дзяленьнем. Даччыная расьліна адгаліноўваецца ад бацькоўскай і, пасьля разьвіцьця, адпраўляецца ў свабоднае плаваньне. Матчына расьліна пасьля размнажэньня гіне. Вельмі рэдка можна назіраць цьвіценьне вольфіі бескаранёвай.
Вонкавыя спасылкі рэдагаваць
|
|
|---|
