Васіль Журневіч
Васі́ль Журне́віч (нар. 21 лютага 1995 году) — беларускі футбаліст, нападнік.
| Васіль Журневіч | ||
| Пэрсанальная інфармацыя | ||
|---|---|---|
| Нарадзіўся | 21 лютага 1995[1] (29 гадоў) | |
| Рост | 182 см | |
| Вага | 71 кг[2] | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2014—2018 | Нёман Горадня | 18 (1) |
| 2017 | → Зьніч[d] | 14 (4) |
| 2019 | Ліда | 14 (3) |
| 2019 | Слонім-2017 | 13 (5) |
| 2020 | Тарпэда-БелАЗ | 5 (0) |
| 2021 | Дынама Берасьце | 6 (1) |
| 2022 | Нёман Горадня | 0 (0) |
| 2022 | → Слонім-2017 | 15 (5) |
| Зборныя | ||
| 2015 | Беларусь (да 21) | 1 (0) |
Кар’ера
рэдагавацьКлюбная
рэдагавацьВыхаванец гарадзенскай ДЮСШ «Белкард», пазьней некаторы час навучаўся ў пастаўскай акадэміі ПМЦ. З 2012 году пачаў выступаць за дубль «Нёмана», дзе трывала замацаваўся на наступны год. Увосень 2014 году «Нёман» узяў курс на амаладжэньне каманды, і Васіль быў пераведзены ў асноўны склад. Дэбютаваў у Найвышэйшай лізе 19 кастрычніка 2014 году ў матчы супраць «Белшыны», выйшаўшы на замену на 89-й хвіліне. У студзені 2016 году на два гады падоўжыў кантракт зь «Нёманам»[3]. У сэзоне 2016 году выступаў у асноўным за дубль, толькі двойчы выйшаў на поле ў асноўнай камандзе «Нёмана». У першай палове сэзона 2017 згуляў 15 матчаў за дубль «Нёмана», дзе забіў 15 галоў. У ліпені 2017 году аддадзены ў арэнду клюбу «Зьніч» да канца сэзону 2017 году[4].
У лютым 2018 году вярнуўся ў «Нёман»[5]. У сэзоне 2018 году выступаў за дубль, не зьяўляючыся на полі ў асноўнай камандзе. Па заканчэньні сэзону 2018 году пакінуў гарадзенскі клюб. У студзені 2019 году праходзіў прагляд у «Віцебску», пазьней выправіўся на прагляд у «Гарадзею». У сакавіку 2019 году падпісаў кантракт з клюбам «Ліда»[6]. У лідзкім клюбе рэгулярна зьяўляўся на полі, звычайна выходзячы на замену. У жніўні 2019 году перайшоў у клюб «Слонім-2017»[7], дзе замацаваўся ў пачатковым складзе. З студзеня 2020 году знаходзіўся на праглядзе ў жодзінскім «Тарпэда-БелАЗ» і ў сакавіку падпісаў кантракт[8]. Ня здолеў замацавацца ў асноўнай камандзе, дзе звычайна заставаўся на лаўцы запасных або выходзіў на замену, гуляў пераважна за дубль. З студзеня 2021 году трэнаваўся зь берасьцейскім «Дынама». У лютым 2021 году па заканчэньні кантракту пакінуў «Тарпэда-БелАЗ»[9] і неўзабаве падпісаў пагадненьне зь берасьцейскім клюбам[10]. У «Дынама» часцей заставаўся на лаўцы запасных, на полі зьяўляўся рэдка, выходзячы на замену.
У пачатку 2022 году падтрымліваў форму з гарадзенскім «Нёманам», а ў сакавіку падпісаў кантракт з клюбам і неўзабаве быў аддадзены ў арэнду ў «Слонім-2017»[11]. Па заканчэньні сэзону 2022 году пакінуў «Нёман».
Міжнародная
рэдагавацьВыступаў за юнацкую зборную Беларусі. 15 красавіка 2015 году правёў сваю адзіную сустрэчу за моладзевую зборную Беларусі, выйшаўшы на замену ў другім тайме таварыскага матчу супраць юніёрскай зборнай Украіны.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Нёман | 2015 | Найвышэйшая ліга | 14 | 1 |
| 2016 | Найвышэйшая ліга | 2 | 0 | |
Крыніцы
рэдагаваць- ^ а б в Vasili Zhurnevich // Transfermarkt (мн.) — 2000.
- ^ а б https://www.fcneman.by/by/klub/zhelto-zelenye-lyudi/11.html
- ^ "Неман" на два года продлил контракты с Позняком и Журневичем
- ^ «Неман» отдал Журневича в аренду в любительский клуб из Польши (рас.)
- ^ «Неман» продлил контракт с Журневичем (рас.)
- ^ Форвард Журневич перешел в «Лиду» (рас.)
- ^ Журневич сменил «Лиду» на «Слоним-2017» (рас.)
- ^ Журневич стал игроком "Торпедо-БелАЗ"
- ^ Василий Журневич покинул Торпедо-БелАЗ Архіўная копія ад 3 мая 2021 г.
- ^ Журневич стал игроком брестского "Динамо"
- ^ Василия Журневича арендовал "Слоним-2017"
Вонкавыя спасылкі
рэдагаваць- Профіль на сайце «Нёману» (рас.)
- Статыстыка «ПБ-Инфо» (рас.)