Вадзім Бальбух
Вадзім Бальбух (нар. 4 траўня 1993 году) — беларускі футбаліст, паўабаронца бабруйскай «Белшыны».
| Вадзім Бальбух | ||
| Пэрсанальная інфармацыя | ||
|---|---|---|
| Нарадзіўся | 4 траўня 1993[1] (31 год) | |
| Рост | 182 см | |
| Вага | 77 кг | |
| Пазыцыя | паўабаронца | |
| Клюбная інфармацыя | ||
| Клюб | Белшына | |
| Нумар | 8 | |
| Клюбы | ||
| Гады | Клюб | Гульні (галы)¹ |
| 2014 | Белшына | 1 (0) |
| 2015 | Слонім-2017 | 30 (1) |
| 2016 | Асіпавічы | 12 (4) |
| 2016—2018 | Хваля | 52 (8) |
| 2018 | Смаргонь | 2 (0) |
| 2019—2020 | Хімік | 51 (3) |
| 2021—2023 | Ворша | 76 (14) |
| 2024— | Белшына | 30 (8) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьВыхаванец ДЮСШ бабруйскай «Белшыны». З 2010 году пачаў выступаць за клюбны дубль, дзе хутка замацаваўся ў складзе. У 2014 годзе пачаў прыцягвацца да асноўнай каманды бабруйчанаў. Дэбютаваў у Найвышэйшай лізе 31 жніўня 2014 году ў матчы супраць «Менску» (1:0), выйшаўшы на замену ў канцы сустрэчы. Болей у Найвышэйшай лізе ў складзе «Белшыны» не згуляў і па заканчэньні cэзону 2014 году пакінуў каманду.
У cэзоне 2015 году гуляў Першай лізе за «Слонім», правёўшы ўсе 30 матчаў чэмпіянату. У пачатку 2016 году праходзіў прагляд у шацілавіцкім «Хіміку», аднак cэзон пачаў у Другой лізе ў складзе «Асіпавічаў», дзе быў адным зь лідэраў каманды. У жніўні 2016 году перайшоў у пінскую «Хвалю»[2], разам зь якой здабыў перамогу ў Другой лізе. У cэзоне 2017 году быў адным з асноўных гульцоў «Хвалі» ў Першай лізе.
У лютым 2018 году праходзіў прагляд у сталічных «Крумкачах», аднак не падышоў камандзе[3] і неўзабаве падоўжыў кантракт з «Хваляй»[4]. У ліпені 2018 году паводле пагадненьня бакоў пакінуў пінскі клюб[5] і неўзабаве далучыўся да «Смаргоні»[6]. Аднак, за «Смаргонь» правёў усяго два матчы, і па заканчэньні cэзону ў лістападзе 2018 году пакінуў каманду.
У 2019—2020 гадах гуляў за шацілавіцкі «Хімік», дзе быў трывалым гульцом пачатковага складу. У пачатку 2021 году далучыўся да «Воршы», дзе замацаваўся ў першай адзінаццатцы ды стаў капітанам каманды. У лютым 2023 году падоўжыў кантракт з клюбам[7]. У cэзоне 2023 году з 10 галамі стаў другім бамбардзірам каманды. У студзені 2024 году далучыўся да бабруйскай «Белшыны»[8].
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Слонім | 2015 | Першая ліга | 30 | 1 |
| Асіпавічы | 2016 | Другая ліга | 12 | 4 |
| Хваля | 12 | 3 | ||
| 2017 | Першая ліга | 27 | 4 | |
| 2018 | Першая ліга | 13 | 1 | |
| Смаргонь | 2 | 0 | ||
Крыніцы
рэдагаваць- ^ а б в Vadim Balbukh // Transfermarkt (мн.) — 2000.
- ^ В "Волне" пополнение (рас.) Афіцыйны сайт пінскай «Хвалі» Архіўная копія ад 2018-06-07 г.
- ^ Жданок на просмотре в «Крумкачах», Бальбух, Белявский, Завадский, Лебедев и Марков не подошли клубу (рас.)
- ^ В "Волне" пополнение (рас.) Афіцыйны сайт пінскай «Хвалі» Архіўная копія ад 2019-03-18 г.
- ^ Бальбух, И.Курган и Пицык покинули "Волну" (рас.) Афіцыйны сайт пінскай «Хвалі» Архіўная копія ад 2019-03-24 г.
- ^ Трансферы клуба (рас.) 2018-07-26 г. Архіўная копія ад 2018-08-15 г.
- ^ Шесть игроков продлили контракт с "Оршей", игроком команды также стал Кучеров (рас.)
- ^ "Белшина" объявила имя первого межcезонного новобранца (рас.)
Вонкавыя спасылкі
рэдагаваць- Статыстыка «ПБ-Инфо» (рас.)