Беняш
Беняш (Бенюш, Бенеш) — мужчынскае імя.
| Беняш лац. Bieniaš | |
| Byenyasch | |
| Паходжаньне | |
|---|---|
| Мова(-ы) | германскія |
| Утворанае ад | Ben + суфікс з элемэнтам -ш- (-sch-) |
| Іншыя формы | |
| Варыянт(ы) | Бенюш, Бенеш |
| Зьвязаныя артыкулы | |
| якія пачынаюцца з «Беняш» | |
Паходжаньне
рэдагавацьБэнш (Bensch) — імя германскага паходжаньня[1]. Іменная аснова бін- (бен-) (імёны ліцьвінаў Беніка, Бінель, Бімунт; германскія імёны Bennico, Benilo, Bemund) паходзіць ад стараверхненямецкага bina 'пчала'[2] або ёсьць скаротам асновы берн- (бірн-)[3].
Імёны Бенюш, Беніш і Бенаш гістарычна бытавалі ў Польшчы: Benas (1382 год), Benisch (1385, 1394, 1419 і 1467 гады), Benesch (1399 і 1430 гады), Benysch (1440 год), Byenyasch (1448, 1485 і 1497 гады), Benosch (1476 год), Byenasch (1499 год)[4].
Варыянты імя ў гістарычных крыніцах: люди в Новгородском повете двора нашого Мостовского… а Ромашка Бенюшевича (24 красавіка 1514 году)[5]; Петръ Бенюшовичъ (1528 год)[6]; боярынъ земли Жомойтъское, волости Ойракгольское… Беняшъ Янъкович (23 жніўня 1542 год)[7]; з наместником молявицкимъ и озерскимъ королевое ее милости Бенешомъ Млынскимъ (4 кастрычнікі 1546 году)[8]; пану Беняшу Воловичу — з Воложина (20 студзеня 1566 году)[9]; Беняшъ Ворошиловичъ (1567 год)[10]; Я Беняшъ… а я Иванъ… Ивановичи Грыньковичи Воловича… Беняшъ Воловичъ, рука властная (14 чэрвеня 1568 году)[11].
Носьбіты
рэдагаваць- Пётар Бенюшавіч — бяржанскі баярын, які ўпамінаецца ў попісе войска Вялікага Княства Літоўскага 1528 году
- Ятаўт Бенюшавіч — жыхар Жамойцкага староства, які ўпамінаецца ў 1537—1538 гадох[12]
- Беняш Будны (2-я пал. XVI — 1-я пал. XVII ст.) — вялікалітоўскі пісьменьнік і перакладнік
Бенюшэвічы, Беняшы, Крыўцы-Беняшы і Гурлаўскія Беняшэвічы — літоўскія шляхецкія роды[13].
Крыніцы
рэдагаваць- ^ Steub L. Die oberdeutschen Familiennamen. — München, 1870. S. 45.
- ^ Morlet M.-T. Les noms de personne sur le territoire de l’ancienne Gaule du VIe au XIIe siècle. T. I: Les noms issus du germanique continental et les créations gallo-germaniques. — Paris, 1971. P. 58.
- ^ Morlet M.-T. Les noms de personne sur le territoire de l’ancienne Gaule du VIe au XIIe siècle. T. I: Les noms issus du germanique continental et les créations gallo-germaniques. — Paris, 1971. P. 54.
- ^ Słownik staropolskich nazw osobowych. T. 1. — Wrocław, 1965—1967. S. 149, 154.
- ^ Lietuvos Metrika. Knyga 9 (1511—1518). — Vilnius, 2002. P. 145.
- ^ Перапіс войска Вялікага княства Літоўскага 1528 года. Метрыка Вялікага княства Літоўскага. Кн. 523. — Менск, 2003. С. 169.
- ^ Lietuvos Metrika. Knyga 225 (6) (1528—1547). — Vilnius, 1995. P. 231.
- ^ Lietuvos Metrika. Knyga 29 (1546—1547). — Vilnius, 2016. P. 23.
- ^ Литовская метрика. Отд. 1—2, ч. 3, т. 1. — Юрьев, 1914. С. 823.
- ^ Литовская метрика. Отд. 1. Ч. 3. — Петроград, 1915. С. 1198.
- ^ Lietuvos Metrika. Knyga 49 (1566—1572). — Vilnius, 2014. P. 20, 22.
- ^ Mackavičius A. Žemaitijos valsčių surašymas 1537—1538 m. — Vilnius, 2003. P. 377.
- ^ Сьпіс шляхецкіх родаў, прозьвішчы якіх пачынаюцца на Б, Згуртаваньне беларускай шляхты