Беласток — Горадня
Акру́га Беласто́к — Го́радня (па-нямецку: Verwaltungbezirk Bialystok-Grodno) — адміністрацыйна-тэрытарыяльная адзінка нямецкага Обэр-Осту ў часе I сусьветнай вайны.
| Акруга Беласток — Горадня | |
| Verwaltungbezirk Bialystok-Grodno | |
 | .svg) Сьцяг |
| Агульныя зьвесткі | |
|---|---|
| Краіна | Нямецкая імпэрыя |
| Статус | Вайсковая адміністрацыя |
| Адміністрацыйны цэнтар | Беласток |
| Паветы | 14 |
| Найбуйнейшыя гарады |
|
| Дата ўтварэньня | 1 лістапада 1915 (109 гадоў таму) |
| Дата скасаваньня | 1 лютага 1918 (106 гадоў таму) |
| Насельніцтва (1916) | 712 000 |
| Шчыльнасьць | 27 чал./км² |
| Плошча | 26 394 км² |
| Шырата | 53.133333 |
| Даўгата | 23.15 |
| Мапа Обэр-Осту | |
| |
 Дадатковыя мультымэдыйныя матэрыялы | |
Геаграфія
рэдагавацьАкруга прыкладна адпавядала даваенным межам Гарадзенскай губэрні Расейскай імпэрыі. На поўначы межавала зь Летувой (акругай Обэр-Осту).
Акруга складалася з 14 паветаў: Горадня-места, Горадня, Ліда, Плянты, Васілішкі, Радунь, Ост (Зьдзецел), Ваўкавыск, Алекшыцы, Саколка, Беласток-места, Беласток, Бельск і Сьвіслач.
Мінуўшчына
рэдагаваць1 лістапада 1916 року ў рамках Обэр-Осту ўтвораныя акругі Курляндыя, Летува і Беласток — Горадня. У апошнюю ўвайшлі, акрамя названых местаў, Ліда, Ваўкавыск, Масты, Сьвіслач, Зьдзецел, Шчучын ды інш.[1]
На тэрыторыі Обэр-Осту беларуская мова мела роўнае становішча зь іншымі мовамі, было дазволена ствараць уласныя навучальныя ўстановы. Пры фінансавай падтрымцы Нямеччыны у 1916-1918 роках колькасьць беларускіх школаў у генэральнай акрузе «Беласток — Горадня» вырасла з 3 да 79 (21,2% ад агульнай колькасьці навучальных установаў), у якіх навучалася больш за 3000 шкаляроў[2].
1 лютага 1918 акруга Беласток — Горадня злучаная з акругай Летува ў адзіную акругу Летуву, якая ў сваю чаргу 16 лютага ўвайшла ў склад абвешчанага каралеўства Летувы.
Крыніцы
рэдагаваць- ^ Савасьцюк Г. (травень 2014) Наваельня ў гады Першай сусьветнай вайны Дзятлаўшчына — інфармацыйны партал Дзятлаўскага раёну Праверана 22 сакавіка 2017 г.
- ^ Ляхоўскі У. Школьная адукацыя ў Беларусі падчас нямецкай акупацыі 1915—1918 гг.. — Вільня: Інстытут беларусістыкі, 2010. — 340 с. — ISBN 9788360456255
Літаратура
рэдагаваць- Волкава, В. В. Адміністрацыйна-тэрытарыяльны падзел нямецкай акупацыйнай зоны Обер Ост (1915—1918 гг.) / У. К. Коршук (адк. рэд.) [і інш.] // Працы гістарычнага факультэта БДУ: Навуковы зборнік. — Мн.: БДУ, 2012. — В. 7. — С. 28—34.