Арэльен Чуамэні
Арэлье́н Чуамэні́ (па-француску: Aurélien Tchouaméni; нар. 27 студзеня 2000 году) — францускі футбаліст, абарончы паўабаронца гішпанскага клюбу «Рэал» і нацыянальнай зборнай Францыі.
| Арэльен Чуамэні | ||
| ||
| Пэрсанальная інфармацыя | ||
|---|---|---|
| Нарадзіўся | 27 студзеня 2000[1] (24 гады) | |
| Рост | 187 см | |
| Пазыцыя | паўабаронца | |
| Клюбная інфармацыя | ||
| Клюб | Рэал Мадрыд | |
| Нумар | 14 | |
| Клюбы | ||
| Гады | Клюб | Гульні (галы)¹ |
| 2018—2020 2020—2022 2022— |
Бардо Манака Рэал Мадрыд |
25 (0) 74 (5) 64 (3) |
| Зборныя | ||
| 2021— | Францыя | 36 (3) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьЧуамэні дэбютаваў 26 ліпеня 2018 году ў складзе клюбу «Бардо», акадэмію якога скончыў, у гасьцявых матчы другога кваліфікацыйнага раўнду Лігі Эўропы супраць латвійскага «Вэнтсьпілсу» зь лікам 1:0. Паўабаронца пачаў матч у асноўным складзе і быў зьменены толькі на 89 хвіліне. 9 жніўня ён забіў свой першы гол у кар’еры, усталяваўшы канчатковы лік 3:1 у выязным матчы Лігі Эўропы супраць украінскага «Марыюпалю».
29 студзеня 2020 году француз падпісаў кантракт з «Манака», які быў разьлічаны на чатыры з паловай гады[2]. Прыкладна праз год, Чуамэні, нарэшце, адзначыўся голам у складзе новага клюбу, улучыўшы мяч у браму марсэльскага «Алімпіка» зь лікам 3:1[3]. Гэтая падзея адбылася 23 студзеня 2021 году, а гол паўабронцы стаў другім голам ягонай дружыны. 14 траўня 2022 году ён зрабіў выніковую перадачу на капітана Вісама Бэн Едэра і, такім чынам, паўдзельнічаў у 9-й перамозе запар[4].
11 чэрвеня 2022 году было абвешчана, што з 1 ліпеня 2022 году Чуамэні будзе выступаць за гішпанскі «Рэал», падпісаўшы шасьцігадовы кантракт з клюбам[5]. Паведамлялася, што за пераход гульца мадрыдцы выклалі 80 млн эўра, але сума можа вырасьці да 100 млн эўра праз дадатковыя паказчыкі[6].
Міжнародная
рэдагавацьПраз сваё камэрунскае паходжаньне гулец меў мажлівасьць гуляць у складзе нацыянальнай зборнай Камэруну, але Чуамэні абраў Францыю. 26 жніўня 2021 году паўабаронца быў выкліканы да шэрагай нацыянальнай зборнай Францыі. 1 верасьня адбыўся дэбют гульца ў матчы кваліфікацыі да чэмпіянату сьвету 2022 году супраць зборнай Босьніі і Герцагавіны, замяніўшы на 46-й хвіліне Тама Лемара.
Дасягненьні
рэдагаваць«Рэал»:
- Чэмпіён Гішпаніі: 2024
- Уладальнік Кубка Гішпаніі: 2023
- Уладальнік Супэркубка Гішпаніі: 2024
- Уладальнік Супэркубка Эўропы: 2022, 2024
- Пераможца Лігі чэмпіёнаў: 2024
- Пераможца клюбнага чэмпіянату сьвету: 2022
Францыя:
- Пераможца Лігі нацыяў: 2021
Крыніцы
рэдагаваць- ^ а б в Aurélien Tchouaméni // Transfermarkt (мн.) — 2000.
- ^ «Aurélien Tchouaméni quitte Bordeaux et signe à Monaco jusqu’en 2024 (officiel)». L'Équipe.
- ^ «AS Monaco 3–1 OM». Ligue 1.
- ^ «„Captain Wissam“ et l’AS Monaco font leur festival face à Brest». AS Monaco.
- ^ «Official Announcement: Tchouaméni». Real Madrid CF.
- ^ «Aurelien Tchouameni: Real Madrid sign midfielder from Monaco». BBC Sport.
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball