Арцём Макаўчык
Арцём Віталевіч Мака́ўчык (нар. 4 ліпеня 2000 году) — беларускі футбаліст, брамнік мазырскай «Славіі» (у арэндзе зь менскага «Дынама»).
| Арцём Макаўчык | ||
| Пэрсанальная інфармацыя | ||
|---|---|---|
| Нарадзіўся | 4 ліпеня 2000[1] (24 гады) | |
| Рост | 193 см | |
| Вага | 83 кг[3] | |
| Пазыцыя | брамнік | |
| Клюбная інфармацыя | ||
| Клюб | Славія Мазыр (у арэндзе з клюбу «Дынама Менск») | |
| Нумар | 90 | |
| Клюбы | ||
| Гады | Клюб | Гульні (галы)¹ |
| 2017—2019 | Тарпэда Менск | 5 (0) |
| 2019—2022 | Энэргетык-БДУ | 46 (0) |
| 2023— | Дынама Менск | 2 (0) |
| 2024— | → Славія Мазыр | 3 (0) |
| Зборныя | ||
| 2021—2022 | Беларусь (да 21) | 8 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьНавучаўся ў акадэміі АБФФ, а па ейным сканчэньні ў 2017 годзе далучыўся да менскага «Тарпэда», дзе ў сэзоне 2017 году правёў 5 матчаў у Першай лізе. У 2018—2019 гадах, калі «Тарпэда» выступала ў Найвышэйшай лізе, гуляў за дубль клюбу. У жніўні 2019 году, пасьля таго як «Тарпэда» спыніла існаваньне, перайшоў у «Энэргетык-БДУ», дзе спачатку таксама гуляў за дубль. 8 жніўня 2020 году дэбютаваў у Найвышэйшай лізе, адгуляўшы ўсе 90 хвілінаў у матчы супраць гарадзенскага «Нёмана» (1:1). У 2020—2021 гадах чаргаваўся ў складзе зь іншымі брамнікамі, а ў сэзоне 2022 году замацаваўся ў пачатковым складзе і дапамог камандзе здабыць срэбныя мэдалі чэмпіянату Беларусі.
У сьнежні 2022 году склаў трохгадовы кантракт зь менскім «Дынама»[4]. Макаўчык дэбютаваў у складзе «Дынама» ў Найвышэйшай лізе ўжо ў пачатковым матчы, адгуляўшы без прапушчаных мячоў у сустрэчы зь «Іслаччу». Да сканчэньня сэзону ў чэмпіянаце правёў толькі яшчэ адную гульню, зьявіўшыся ў браме 20 жніўні ў матчы супраць «Слуцку». У 2024 годзе за паўсэзоны брамнік нават амаль не трапляў у заўяку каманды. У выніку ў першы дзень ліпеня стала вядома, што футбаліст далучыцца на правах арэнды да мазырскай «Славіі»[5].
Міжнародная
рэдагавацьУ 2020 годзе пачаў прыцягвацца да моладзевай зборнай Беларусі, але тады гэтак і не згуляў за яе. 29 сакавіка 2021 году дэбютаваў у моладзевай зборнай, адгуляўшы ўсе 90 хвілінаў у таварыскім матчы супраць моладзевай зборнай Грузіі (1:4).
Дасягненьні
рэдагаваць«Дынама»:
- Чэмпіён Беларусі: 2023
- У сьпісе 22 найлепшых футбалістаў чэмпіянату Беларусі: 2022
Крыніцы
рэдагаваць- ^ а б в Artem Makavchik // https://www.transfermarkt.com/transfermarkt/profil/spieler/411296
- ^ а б https://energetikbgu.by/player/макавчик-артём/
- ^ а б https://www.pressball.by/footballstat/artyom_makavchik/
- ^ Макавчик и Рылач стали игроками минского "Динамо" (рас.). Football.by (2022-12-20). Праверана 2022-12-20 г.
- ^ "Славия" арендовала голкипера минского "Динамо" (рас.). Football.by (2024-07-01).
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball