Антон Новік
Антон Новік (нар. 23 ліпеня 1998 году) — беларускі футбаліст, нападнік менскага Энэргетыка-«БДАТУ».
| Антон Новік | ||
| Пэрсанальная інфармацыя | ||
|---|---|---|
| Нарадзіўся | 23 ліпеня 1998[1] (26 гадоў) | |
| Рост | 177 см | |
| Вага | 72 кг[3] | |
| Пазыцыя | нападнік | |
| Клюбная інфармацыя | ||
| Клюб | Энэргетык-БДАТУ | |
| Клюбы | ||
| Гады | Клюб | Гульні (галы)¹ |
| 2017—2019 | Менск | 4 (0) |
| 2018 | → ЮАС | 23 (3) |
| 2019 | Нафтан | 4 (0) |
| 2020 | Белшына | 2 (0) |
| 2020 | Смаргонь | 11 (0) |
| 2021—2023 | Вікторыя | 53 (27) |
| 2024— | Энэргетык-БДАТУ | |
| Зборныя | ||
| 2018 | Беларусь (да 21) | 2 (0) |
- Вікіпэдыя мае артыкулы пра іншых асобаў з прозьвішчам Новік.
Кар’ера
рэдагавацьКлюбная
рэдагавацьВыхаванец СДЮШАР футбольнага клюбу «Менск». З 2016 году пачаў выступаць за клюбны дубль і неўзабаве замацаваўся ў складзе. 15 чэрвеня 2017 году дэбютаваў у Найвышэйшай лізе ў гасьцявым матчы супраць гарадзенскага «Нёману» (1:3), выйшаўшы на замену ў другім тайме. Да канца сэзону 2017 году згуляў яшчэ ў двух матчах за асноўную каманду, выходзячы на замену.
У сакавіку 2018 году аддадзены ў арэнду клюбу ЮАС[4], у складзе якога неўзабаве замацаваўся ў якасьці гульца асноўнага складу. У студзені 2019 году пакінуў каманду[5]. У лютым 2019 году падоўжыў кантракт зь «Менскам»[6]. Зноў пачаў выступаць за дубль менчукоў, толькі ў адным матчы Найвышэйшай лігі выйшаўшы на замену. У жніўні 2019 году прыяднаўся да наваполацкага «Нафтану», дзе згуляў толькі ў чатырох матчах. У пачатку 2020 году праходзіў прагляд у бабруйскай «Белшыне» і ў сакавіку афіцыйна стаў гульцом каманды. Гуляў пераважна за дубль, зрэдку прыцягваўся да асноўнай каманды, дзе выходзіў на замену. У ліпені 2020 году пакінуў бабруйскі клюб[7] і неўзабаве стаў гульцом «Смаргоні»[8], дзе гуляў да канца сэзону.
У 2021—2023 гадах выступаў у Другой лізе за мар’інагорскую «Вікторыю», а ў пачатку 2024 году далучыўся да менскага «Энэргетыка»-БДАТУ.
Міжнародная
рэдагаваць14 лістапада 2018 году дэбютаваў у моладзевай зборнай Беларусі, выйшаўшы на поле ў канцы таварыскага матча супраць зборнай Харватыі (1:3). 16 лістапада таго ж году ў наступным таварыскім матчы з харватамі выйшаў ужо ў стартавым складзе, але пазьней да зборнай больш не прыцягваўся.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Менск | 2017 | Найвышэйшая ліга | 3 | 0 |
| ЮАС | 2018 | Першая ліга | 23 | 3 |
Крыніцы
рэдагаваць- ^ а б в Anton Novik // Transfermarkt (мн.) — 2000.
- ^ а б https://footballfacts.ru/person/545305
- ^ а б https://www.pressball.by/footballstat/anton_novik/
- ^ "Минск" отдал Новика в аренду в ЮАС (рас.)
- ^ Десять игроков покинули ЮАС, пятеро - пришли. Из них четверо - из "Лиды" (рас.)
- ^ "Минск" продлил контракт с нападающим (рас.)
- ^ Футбол. "Белшину" покинули пятеро игроков (рас.) Архіўная копія ад 2020-07-11 г.
- ^ Новик перешел из "Белшины" в "Сморгонь" (рас.)
Вонкавыя спасылкі
рэдагаваць- Статыстыка «ПБ-Инфо» (рас.)