Антон Бубноў
Антон Бубноў (нарадзіўся 23 лістапада 1988 году) — колішні беларускі футбаліст, абаронца.
| Антон Бубноў | ||
| Пэрсанальная інфармацыя | ||
|---|---|---|
| Нарадзіўся | 23 лістапада 1988[1] (36 гадоў) | |
| Рост | 189 см | |
| Вага | 87 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2007—2011 | Партызан Менск | 80 (6) |
| 2012—2014 | Гарадзея | 50 (9) |
| 2014—2018 | Іслач | 70 (9) |
| 2019 | Белшына | 7 (0) |
| 2021 | Маладэчна-2018 | 6 (3) |
| Зборныя | ||
| 2006 | Беларусь (да 19)[d] | 3 (1) |
| 2008—2009 | Беларусь (да 21) | 5 (0) |
Кар’ера
рэдагавацьКлюбная
рэдагавацьВыхаванец слонімскай ДЮСШ «Альберцін». У малым веку трапіў у склад менскага МТЗ-РІПА, дзе пачынаў з дубля і зь цягам часу стаў гульцом асновы. У 2011 годзе дапамог клюбу, які зьмяніў назву на «Партызан», вярнуць месца ў Найвышэйшай лізе, аднак «Партызан» спыніў існаваньне, і Антон у студзені 2012 году перайшоў у «Гарадзею»[2], дзе таксама замацаваўся ў асноўным складзе.
Улетку 2014 году паўабаронца страціў месца ў пачатковым складзе «Гарадзеі», і ў выніку ў жніўні далучыўся да «Іслачы»[3]. Здолеў стаць адным зь лідэраў «Іслачы», за другую палову сэзону 2014 году забіўшы 5 галоў. У красавіку 2015 году атрымаў цяжкую траўму[4], празь якую быў вымушаны прапусьціць увесь сэзон 2015 году, у якім каманда атрымала перамогу ў Першай лізе. У сэзоне 2016 году вярнуўся на поле і неўзабаве замацаваўся ў асноўным складзе «Іслачы», звычайна выступаючы ў якасьці апорнага паўабаронцы.
У студзені 2017 году падоўжыў кантракт з клюбам[5]. Пачатак сэзону 2017 году прапусьціў праз траўму, а з чэрвеня вярнуўся ў асноўны склад. 18 лістапада 2017 году, выйшаўшы на замену ў канцы матчу супраць «Дняпра», забіў гол і прынёс «Іслачы» перамогу 1:0, якая гарантавала клюбу захаваньне месца ў Найвышэйшай лізе. Сэзон 2018 году пачынаў у стартавым складзе. З чэрвеня перастаў зьяўляцца на полі праз траўмы, зь верасня вярнуў месца ў асноўнай камандзе. У сьнежні 2018 году па заканчэньні кантракту пакінуў «Іслач»[6].
У студзені 2019 году пачаў трэнавацца з бабруйскай «Белшыны» і неўзабаве афіцыйна стаў гульцом каманды[7]. Пакінуў бабруйскі клюб у жніўні 2019 году[8]. У чэрвені 2021 году далучыўся да клюбу «Маладэчна-2018» ў Другой лізе, гуляў там да сканчэньня сэзону[9].
Міжнародная
рэдагавацьУ 2008—2009 гадах гуляў за малодшую моладзевую зборную Беларусі (да 20 гадоў).
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Іслач | 2016 | Найвышэйшая ліга | 24 | 2 |
| 2017 | Найвышэйшая ліга | 17 | 2 | |
| 2018 | Найвышэйшая ліга | 18 | 0 | |
Крыніцы
рэдагаваць- ^ а б в Anton Bubnov // Transfermarkt (мн.) — 2000.
- ^ Пятигорец, Шукелович и Бубнов пополнили ряды "Городеи"
- ^ Сокол, Лебедев и еще 3 игрока перешли в «Ислочь»
- ^ АНТОН БУБНОВ ПОЛУЧИЛ СЕРЬЕЗНУЮ ТРАВМУ(недаступная спасылка)
- ^ Бубнов и Патоцкий продлили контракты с "Ислочью"
- ^ Букаткин, Туранок и еще пять игроков покинули "Ислочь"
- ^ Бубнов и Туранок стали игроками "Белшины"
- ^ Бубнов, Голенко, Градобоев и Шокуров покинули ФК “Белшина”
- ^ Пополнение Д2: новый тренер "Осиповичей", "Молодечно-2018" без своих звезд (+ таблица трансферов первой лиги)
Вонкавыя спасылкі
рэдагаваць- Статыстыка «ПБ-Инфо» (рас.)