Андрэас Отль
Андрэас Отль (па-нямецку: Andreas Ottl; нарадзіўся 1 сакавіка 1985, Мюнхэн, Нямеччына) — нямецкі футбаліст, апошнім клюбам якога быў «Аўгсбург». Выступае на пазыцыі апорнага паўабаронцы, на сёньня зьяўляецца вольным агентам. Отль вельмі ўнівэрсальны гулец, ён можа згуляць на розных пазыцыях у сярэдзіне поля, таксама можа згуляць на пазыцыі абаронцы.
| Андрэас Отль | ||
 | ||
| Пэрсанальная інфармацыя | ||
|---|---|---|
| Нарадзіўся | 1 сакавіка 1985 (39 гадоў) Мюнхэн, Нямеччына | |
| Рост | 185 см | |
| Вага | 77 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2003—2007 2005—2011 2010 2011—2012 2012—2014 |
Баварыя-2 Баварыя → Нюрнбэрг Гэрта Аўгсбург |
78 (9) 92 (5) 17 (1) 26 (0) 13 (0) |
Кар’ера
рэдагавацьОтль пачаў займацца футболам у мюнхэнскім клюбе «Норд Лерхэнаў». З 1996 году ён гуляў за розныя каманды мюнхэнскай «Баварыі». У 2002 годзе трэнэр рэзэрвістаў «Баварыі» адправіў Андрэаса гуляць у Рэгіяналлігу, дзе стаў адным з ключавых гульцоў каманды й атрымаў шанец згуляць за першую каманду. Андрэас падпісаў прафэсійны кантракт з «Баварыяй» 1 ліпеня 2005 году.
2 студзеня 2010 году Отль перайшоў на правах арэнды ў клюб «Нюрнбэрг»[1]. Разам зь ім у арэнду адправіўся Брэна Боржэс. 17 студзеня дэбютаваў у складзе клюбу ў матчы супраць «Шальке 04».
21 траўня 2011 году падпісаў трохкантракт зь нямецкім клюбам «Гэрта», стаўшы вольным агентам[2]. 9 ліпеня 2012 году Отль падпісаў двухгадовы кантракт з клюбам «Аўгсбург»[3][4].
Дасягненьні
рэдагаваць«Баварыя»
- Чэмпіён Нямеччыны (2): 2006, 2008
- Уладальнік Кубку Нямеччыны (2): 2006, 2008
- Уладальнік Кубку нямецкай лігі: 2007
- Уладальнік Супэркубку Нямеччыны: 2010
Крыніцы
рэдагаваць- ^ Оттль перешёл на правах аренды из «Баварии» в «Нюрнберг». championat.ru
- ^ «Герта» подписала контракт с полузащитником «Баварии» Оттлем. sports.ru
- ^ Andreas Ottl unterschreibt beim FCA. FC Augsburg
- ^ Оттль подписал контракт с «Аугсбургом». championat.com
Вонкавыя спасылкі
рэдагаваць
Андрэас Отль — сховішча мультымэдыйных матэрыялаў
- Афіцыйны сайт
- Профіль на афіцыйным сайце «Аўгсбургу»
- Профіль на сайце fussballdaten