Алехандра Бальдэ
Алеха́ндра Бальдэ́ Марты́нэс (па-гішпанску: Alejandro Balde Martínez; нар. 18 кастрычніка 2003 году) — гішпанскі футбаліст, левы абаронца клюбу «Барсэлёна» і нацыянальнай зборнай Гішпаніі. Уважаецца адным з найлепшых левых абаронцаў у сьвеце дзякуючы сваёй хуткасьці, трыманьню мяча і абарончым здольнасьцям[2][3].
| Алехандра Бальдэ | ||
.jpg)
| ||
| Пэрсанальная інфармацыя | ||
|---|---|---|
| Нарадзіўся | 18 кастрычніка 2003[1] (21 год) | |
| Рост | 1,75 м | |
| Пазыцыя | задні абаронца | |
| Клюбная інфармацыя | ||
| Клюб | Барсэлёна | |
| Нумар | 3 | |
| Клюбы | ||
| Гады | Клюб | Гульні (галы)¹ |
| 2021—2022 2022— |
Барсэлёна 2 Барсэлёна |
31 (0) 68 (1) |
| Зборныя | ||
| 2022— | Гішпанія | 7 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьБальдэ далучыўся да «Барсэлёны» ў 2011 годзе ў веку 8-і гадоў пасьля таго, як пэўны час навучаўся футболу ў акадэміі «Эспанёлу»[4]. У ліпені 2021 году склаў падоўжаны кантракт з клюбам да 2024 году з умовай выкупу за 500 мільёнаў эўра[5].
Зрабіў уражанэньне на трэнэраў «Барсэлёны» падчас перадсэзоннай падрыхтоўкі улетку 2021 году ды пачаў сэзон у якасьці першага дублёра Жордзі Альбы[6]. Пасьля двух матчаў запар у заяўцы клюбу ў сустрэчах супраць «Рэал Сасьедаду» і «Атлетыка». 14 верасьня дэбютаваў у складзе каталёнскага клюбу, замяніўшы Альбу на 74-й хвіліне матчу супраць «Баварыі» на групавым этапе Лігі чэмпіёнаў.
З пачатку сэзону 2022—2023 гадоў галоўны трэнэр Чаві надаў Бальдэ больш прыкметную ролю. У выніку маладзён згуляў у большай колькасьці матчаў лігі чым Альба, а таксама атрымаў больш хвілінаў на полі ў важных матчах[7]. 20 верасьня 2023 году было абвешчана, што Бальдэ ўзгодніць новы кантракт з клюбам да 2028 году з умовай выкупу ў 1 мільярд эўра[8]. 24 студзеня 2024 году абаронца атрымаў траўму падкаленнай сухажылы правай нагі ў матчы Кубка Гішпаніі супраць басконскага «Атлетыка». У выніку гішпанец быў вымушаны зрабіць апэрацыю і прапусьціць усе наступныя матчы сэзону.
Міжнародная
рэдагавацьЗ улікам таго, што бацька Бальдэ паходзіць з Гвінэі-Бісаў, гулец меў мажлівасьць бараніць колеры як зборнай Гвінэі-Бісаў, гэтак і зборнай Гішпаніі. Абаронца абраў сваёй камандай гішпанскую каманду. Бальдэ быў нечакана выкліканы ў нацыянальную зборную за два дні да пачатку чэмпіянату сьвету 2022 году, бо левы абаронца «Валенсіі» Хасэ Гая атрымаў траўму костачкі нагі падчас трэнавальнага практыкаваньня[9]. 23 лістапада 2022 году ён дэбютаваў у складзе зборнай на мудыялі, зьявіўшыся на 64-й хвіліне гульні супраць зборнай Коста-Рыкі.
Дасягненьні
рэдагаваць«Барсэлёна»:
- Чэмпіён Гішпаніі: 2023
- Уладальнік Супэркубка Гішпаніі: 2023
Крыніцы
рэдагаваць- ^ а б в г д Transfermarkt (мн.) — 2000.
- ^ «Los Premios 'Team Of The Season' de EA SPORTSTM y LaLiga revelan a los mejores 15 jugadores de la temporada». La Liga.
- ^ «Spanish Super Cup: Barcelona beat Real Madrid». BBC Sport.
- ^ Rogé, Albert (12.11.2020). «Profile: Electric Alejandro Balde has a lot to offer». Sport.
- ^ Soldevila, Adrià (11.08.2021). «Alejandro Balde: Barcelona’s 'spectacular' teenage left-back with a €500m release clause». Goal.
- ^ «Barca tie down Alejandro Balde, their Jordi Alba backup». Sport.
- ^ «Xavi on Balde: An 18-year-old playing at this level never ceases to amaze». Sport.
- ^ «Balde, culé hasta 2028». FC Barcelona.
- ^ Marsden, Sam; Llorens, Moises (18.11.2022). «World Cup 2022: Barcelona youngster Alejandro Balde replaces injured Jose Gaya in Spain squad». ESPN.
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball