Ільля Васілевіч
Ільля Васілевіч (нар. 6 жніўня 1991, Баранавічы) — беларускі палітычны актывіст, асуджаны за ўдзел у акцыі пратэста супраць вынікаў прэзыдэнцкіх выбараў навечар 19 сьнежня 2010 г. Самы малады фігурант справы па падзеях Плошчы 2010.
Ільля Васілевіч | |
| Дата нараджэньня | 6 жніўня 1991 (33 гады) |
|---|---|
| Месца нараджэньня | |
Вучыўся ў баранавіцкай гімназіі. Пасьля дзявятай клясы паступіў у Менскі політэхнічны каледж, быў старастам групы. За ўдзел у акцыі пратэсту 19 сьнежня Ільля адседзеў 10 содняў арышту й быў адпушчаны дадому. Яму паведамілі, што адміністрацыя Менскага політэхнічнага каледжа выключае яго з вучэльні.
5 студзеня юнак быў запрошаны ў адміністрацыю каледжа для падпісаньня адпаведных папераў, але ў вучэльні Ільлю чакалі супрацоўнікі КДБ, якія паведамілі, што ён падазраваны па крымінальнай справе. Васілевіча зьмясьцілі спачатку ў ІЧУ на вул. Акрэсьціна[прыбраць шаблён], а потым перавялі ў СІЗА на вул. Валадарскага ў Менску.
Праходзіў па справе разам з Андрэм Саньнікавым, Алегам Гнедчыкам, Фёдарам Мірзаянавым і Ўладзімерам Яроменка. 14 траўня 2011 году суд Партызанскага раёну Менску (судзьдзя – Натальля Чацьвертакова) асудзіў яго па арт. 293, ч. 1 і 2 Крымінальнага кодэксу Рэспублікі Беларусь («Масавыя беспарадкі») на тры гады пазбаўленьня волі ў калёніі ўзмоцненага рэжыму[1]. 23 траўня 2011 году Чацьвертакова была ўнесена ў Чорны сьпіс Эўразьвязу[2].
15 ліпеня 2011 год патранат над Васілевічам узяў Жан-Франсуа Штаерт, дэпутат Федэральнага Сходу Швайцарыі(be), прадстаўнік Сацыял-дэмакратычнае партыі Швайцарыі(be)[3].
Памілаваны Лукашэнкам 14 верасьня 2011 году разам з адзінаццацьцю іншымі ўдзельнікамі падзеяў на Плошчы 2010, якія не пісалі прашэньня[4].
Крыніцы
рэдагаваць- ^ Тыднёвы агляд пасьлявыбарчай сытуацыі ў Беларусі (9-15 траўня) Віцебскі рэгіянальны праваабарончы сайт
- ^ Поўны спіс 208 беларускіх чыноўнікаў, якім забаронены ўезд у ЕС (бел.). Наша Ніва (2011-10-11). Архіўная копія ад 2017-10-22 г.
- ^ Арцём Багданаў. (2011-07-15) Палітвязень Ільля Васілевіч займеў апекуна са Швайцарыі (бел.). Польскае радыё. Праверана 2021-09-05 г. Архіўная копія ад 2021-09-05 г.
- ^ Вінаградаў, Мірзаянаў, Класкоўскі, Лобан, Новік, Малчанаў, Атрошчанкаў, Васілевіч, Буланаў, Федаркевіч, Ліхавід на волі Наша Ніва
Вонкавыя спасылкі
рэдагаваць- Ільля Васілевіч. Партрэт на фоне кратаў Радыё Свабода, 26.04.2011