Іван Санько
Іван Санько (нар. 2 сакавіка 1999 году) — беларускі футбаліст, брамнік койданаўскага «Арсэналу».
| Іван Санько | ||
| Пэрсанальная інфармацыя | ||
|---|---|---|
| Нарадзіўся | 2 сакавіка 1999[1] (25 гадоў) | |
| Рост | 190 см[2] | |
| Пазыцыя | брамнік | |
| Клюбная інфармацыя | ||
| Клюб | Арсэнал Койданаў | |
| Нумар | 1 | |
| Клюбы | ||
| Гады | Клюб | Гульні (галы)¹ |
| 2020—2021 | Крумкачы | 7 (0) |
| 2022 | Арсэнал Койданаў | 0 (0) |
| 2022 | Белшына | 0 (0) |
| 2023— | Арсэнал Койданаў | 30 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьВыхаванец футбольнай акадэміі «Менску». У 2020 годзе прыяднаўся да сталічных першалігавых «Крумкачоў», склаўшы працоўную дамову тэрмінам на год. Дэбютаваў за клюб 24 траўня ў матчы супраць койданаўскага «Арсэналу», аднак цягам сэзону быў рэзэрвовым брамнікам дружыны. У сьнежні 2020 году склаў новую ўгоду на год[3]. Аднак, гулец не згуляў аніводнай гульні, у выніку чаго па сканчэньні сэзону зышоў з клюбу. У студзені 2022 году быў на праглядзе ў магілёўскім «Дняпры»[4], аднак з клюбам не ўзгодніўся. У наступным месяцы далучыўся да койданаўскага «Арсэналу» з Найвышэйшай лігі[5]. Увесь сэзон гулец быў запасным брамнікам пасьля Яўгена Абрамовіча і Арцёма Сарокі. Улетку 2022 году далучыўся да «Белшыны», дзе таксама не гуляў.
У лютым 2023 году вярнуўся ў «Арсэнал»[6], які тым часам апусьціўся ў Першую лігу. Запачаткаваў кар’еру ў новым клюбе 15 красавіка ў матчы супраць «Воршы». У траўні гулец атрымаў штраф за дамоўныя матчы[7] за той час, калі яшчэ быў футбалістам «Белшыны». Тым часам Санько замацаваўся ў першай адзінаццатцы клюбу, зь якім здабыў перамогу ў другім дывізіёне айчыннага першынства. У лютым 2024 году працягнуў супрацу з клюбам[8], дэбютаваўшы ў Найвышэйшай лізе 17 сакавіка 2024 году ў матчы супраць жодзінскага «Тарпэда-БелАЗ».
Крыніцы
рэдагаваць- ^ а б в г д Ivan Sanko // Transfermarkt (мн.) — 2000.
- ^ а б https://www.teams.by/-/player-222704/
- ^ Иван Санько продлил контракт с «НФК Крумкачы» (рас.) Афіцыйны сайт ФК «Крумкачы».
- ^ В расположении «Днепра» находится вратарь НФК «Крумкачы» (рас.) Football.by.
- ^ «Арсенал» из Дзержинска заключил контракт с вратарем «Крумкачоў» (рас.) Football.by.
- ^ «Арсенал» продлил контракт с Сороко и снова подписал Санько (рас.) Football.by.
- ^ Официально (рас.) АБФФ.
- ^ «Арсенал» продлил контракт с вратарем (рас.) Football.by.
Вонкавыя спасылкі
рэдагаваць- Статыстыка «ПБ-Инфо»(недаступная спасылка) (рас.)
- Профіль (анг.) на Transfermarkt
- Профіль (анг.) на Soccerway