Ёзэф Леапольд Звонарж

чэскі кампазытар, музыказнаўца і музычны пэдагог

Ёзэф Леапольд Звонарж (па-чэску: Josef Leopold Zvonař; 22 студзеня 1824 — 23 студзеня 1865) — чэскі кампазытар, музыказнаўца і музычны пэдагог.

Ёзэф Леапольд Звонарж
Josef Leopold Zvonar 1882 Vilimek.png
Дата нараджэньня 22 студзеня 1824(1824-01-22)[1][2][3]
Месца нараджэньня
Дата сьмерці 23 студзеня 1865(1865-01-23)[4][3] (41 год) або 23 лістапада 1865(1865-11-23)[1][5] (41 год)
Месца сьмерці
Прычына сьмерці сухоты
Месца пахаваньня
Занятак кампазытар, пісьменьнік, музыказнаўца, музычны пэдагог
Жанры клясычная музыка і опэра

Скончыў Праскую школу арганістаў, вучань Карла Франца Піча. Адразу па заканчэньні курсу быў прыняты асыстэнтам, а затым і выкладчыкам, сярод яго вучняў быў, у прыватнасьці, Антанін Дворжак. У 1856—1858 гг. узначальваў школу, затым у 1860 г. заняў месца дырэктара Сафійскай акадэміі — жаночай музычнай навучальнай установы.

Найбольшае значэньне маюць музыказнаўчыя працы і навучальныя дапаможнікі Звонаржа, асабліва ў галіне гармоніі, шмат у чым піянэрскія для Чэхіі, — перш за ўсё, «Дапаможнік да лёгкага складаньня ужытных кадэнцыяў» (па-чэску: Navedení k snadnému potřebných kadencí skládání; 1859), якое згуляла важную ролю ў фармаваньні чэскай музычнай тэрміналёгіі. Апублікаваў цыкль з васьмі артыкулаў «Слова пра чэскія народныя песьні» (па-чэску: Slovo o českých národních písních; 1860) і чатырохтомнік апрацовак чэскіх народных песень «Чэскія музычныя помнікі» (па-чэску: Hudební památky české; 1862—1864). Аўтар нявыдадзенай і не пастаўленай опэры, царкоўнай музыкі, шматлікіх песень.

КрыніцыРэдагаваць

  1. ^ а б в г Нацыянальная служба Чэскай рэспублікі
  2. ^ Josef Leopold Zvonař // Český hudební slovník osob a institucí (чэс.)
  3. ^ а б в г Архіў прыгожых мастацтваў — 2003.
  4. ^ Československý hudební slovník osob a institucí (чэс.) / пад рэд. G. Černušák, B. Štědroň, Z. Nováček — 1963.
  5. ^ надмагільле
  6. ^ Wurzbach D. C. v. Zwonař, Joseph Leopold (ням.) // Biographisches Lexikon des Kaiserthums Oesterreich: enthaltend die Lebensskizzen der denkwürdigen Personen, welche seit 1750 in den österreichischen Kronländern geboren wurden oder darin gelebt und gewirkt habenWien: 1856. — Т. 60. — S. 346.
  7. ^ BillionGraves (анг.) — 2011.