Ёван Стэрыя Попавіч

	Ёван Стэрыя Попавіч
Асабістыя зьвесткі
Нарадзіўся	1 (13) студзеня 1806; Вэршац[d], Temes County[d], Каралеўства Вугоршчына, Аўстрыйская імпэрыя;
Памёр	26 сакавіка 1856 (50 гадоў); Вэршац[d], Temes County[d], Каралеўства Вугоршчына, Аўстрыйская імпэрыя;
Літаратурная дзейнасьць
Род дзейнасьці	драматург, паэт, пэдагог, пісьменьнік, адвакат, пісьменьнік навуковай фантастыкі
Мова	сэрбская і харвацкая
Подпіс
	Ёван Стэрыя Попавіч у Вікісховішчы

Ёван Стэрыя Попавіч (па-сэрбску: Јован Стерија Поповић; 13 студзеня 1806, Вршац — 10 сакавіка 1856, Вршац) — сэрбскі паэт, празаік, драматург і перакладчык. Лічыцца заснавальнікам сэрбскай драмы. Першы і адзін з найвыбітнейшых сэрбскіх камэдыёграфаў.

Сын грэка і сэрбкі. Пасьля заканчэньня юрыдычнага факультэту працаваў адвакатам, настаўнікам у ліцэі ў горадзе Крагуевац, быў загадчыкам аддзяленьня міністэрства асьветы ў Бялградзе і арганізатарам сэрбскага тэатральнага і навуковага жыцьця, складаў падручнікі.

Літаратурная дзейнасьць

Літаратурную дзейнасьць пачаў з слабых вершаў, прысьвечаных грэцкім героям. Да паэзіі зноў вярнуўся пры канцы жыцьця. Ад паэтычнай творчасьці перайшоў да гістарычных раманаў і драматургіі, але найбольшага посьпеху дасягнуў як камэдыёграф. У маладосьці падпаў пад уплыў заснавальніка сэрбскага раману Мілавана Відакавіча і напісаў раманы «Boj na Kosovu» i «Zoraida». Гэтаксама, як і Відакавіч, намагаўся перанесьці сюжэты з замежнай літаратуры на сэрбскае гістарычнае тло. У адным са сваіх пазьнейшых сатырычных твораў («Roman bez romana») кпіў зь літаратурных опусаў такога кшталту, крытыкуючы творчасьць Відакавіча і ягоных эпігонаў.

Але перш за ўсё Стэрыя — драматург. Аўтары, якія пісалі драматургічныя творы да яго, ня мелі літаратурнага посьпеху. Стэрыя — першы пісьменьнік, які сур’ёзна займаецца гэтым родам літаратуры, прысьвячае сябе тэатру. Піша гістарычныя драмы і камэдыі з сучаснага жыцьця, якія мелі значна большую папулярнасьць. У сваіх камэдыях высьмейвае мяшчанства, эгаізм, пыхлівасьць і іншыя заганы. Упершыню ўвёў у сэрбскую літаратуру вобраз простага малога чалавека. Меў выдатнае пачуцьцё кампазыцыі.

У некаторых гістарычных творах сама гісторыя зьяўляецца адно тлом, на якім адбываецца дзеяньне.

Тэатар Ё. С. Попавіч успрымаў як сродак маральнага выхаваньня і асьветы. Пры канцы жыцьця выдаў зборнік вершаў.

Перакладаў з грэцкай і францускай моваў.

Творы

Драматургія

«Лажа и паралажа»
«Тврдица»
«Покондирена тиква»
«Женидба и удадба»
«Превара за превару»
«Волшебни магарац»
«Смрт Стефана Дечанског»
«Невидимост или Светислав и Милена»
«Наход Симеон или несретно супружество»
«Аjдуци»
«Скендербег»

Проза

«Боj на Косову»

Крыніцы

^ ^а ^б ^в ^г Biographisches Lexikon zur Geschichte Südosteuropas (ням.) / Hrsg.: M. Bernath, K. Nehring, Leibniz-Institut für Ost- und Südosteuropaforschung — R. Oldenbourg Verlag, 1974.
^ Bibliothèque nationale de France data.bnf.fr (фр.): плятформа адкрытых зьвестак — 2011.
^ Popović, Jovan Sterija // CONOR.SI

[_71157bd095b6035b-1] а ^б ^в ^г Biographisches Lexikon zur Geschichte Südosteuropas (ням.) / Hrsg.: M. Bernath, K. Nehring, Leibniz-Institut für Ost- und Südosteuropaforschung — R. Oldenbourg Verlag, 1974.

[_e2bd75c573b68e3f-2] Bibliothèque nationale de France data.bnf.fr (фр.): плятформа адкрытых зьвестак — 2011.

[_4fdf7253650e8c54-3] Popović, Jovan Sterija // CONOR.SI

[1]

[2]

[3]

Асабістыя зьвесткі
Ёван Стэрыя Попавіч

Нарадзіўся	1 (13) студзеня 1806^[1] Вэршац^[d], Temes County^[d], Каралеўства Вугоршчына, Аўстрыйская імпэрыя^[1]
Памёр	26 сакавіка 1856(1856-03-26)^[1] (50 гадоў) Вэршац^[d], Temes County^[d], Каралеўства Вугоршчына, Аўстрыйская імпэрыя^[1]
Літаратурная дзейнасьць
Род дзейнасьці	драматург, паэт, пэдагог, пісьменьнік, адвакат, пісьменьнік навуковай фантастыкі
Мова	сэрбская^[2] і харвацкая^[3]
Подпіс
Ёван Стэрыя Попавіч у Вікісховішчы