Vinsent (сапраўднае імя — Дзьмітры Ўладзімеравіч Папко; нарадзіўся 3 кастрычніка 1988 году) — беларускі музыка і актор.

Vinsent
Vinsent 3.jpg
Vinsent
Дата нараджэньня 3 кастрычніка 1988 (31 год)
Месца нараджэньня Івацэвічы, Беларусь
Грамадзянства Беларусь
Альма-матэр Факультэт журналістыкі Беларускага дзяржаўнага ўнівэрсытэту
Занятак сьпявак і актор
Гады дзейнасьці 2009 — нашы дні
Жанры гіп-гоп, рок
Інструмэнты голас

Творчы шляхРэдагаваць

МузыкаРэдагаваць

У 2009 годзе артыст выдаў дэбютны альбом «Пачатак». Пасьля выданьня адбылася прэзэнтацыя альбому. Пасьля выданьня дэбютнага альбому былі зьнятыя відэакліпы на дзьве песьні з кружэлкі: «Працягваю жыць» і «Восеньскі вальс». Неўзабаве пасьля выданьня альбому, артыст пачаў канцэртаваць па гарадах Беларусі. Кліп на песьню «Восеньскі вальс», зьняты Зьмітром Карначыкам і Алесем Меліхаўцом, атрымаў узнагароды «Street Awards» і «Кліп-марафон»[1] за найлепшы кліп году.

У 2010 годзе Vinsent выдае сынгл «Слава Героям!», напісаны па матывах раману Ўладзімера Караткевіча «Каласы пад сярпом тваім». Героямі песьні зьяўляюцца Алесь Загорскі і Кастусь Каліноўскі. Тэкст пабудаваны ў выглядзе перапіскі паміж героямі.

З 2011 году артыст выступае з жывым складам музыкаў. Пачынае экспэрымэнтаваць, зьмешваючы гіп-гоп з рокам і джазам. Vinsent гастралюе па міжанародных фэстывалях у Беларусі, Польшчы, Летуве, Украіне.

У 2011 годзе выходзіць «Жывы DVD». Аснову DVD складае новае відэа, зробленае на клюбных канцэртах, а таксама справаздачы зь міжнародных фэстываляў. У дадатак да гэтага дыск зьмяшчае канцэртныя аўдыёзапісы, інтэрвію, сумесныя трэкі, тэксты ды фатаздымкі[2].

У 2012 годзе Vinsent выдае сынгл і кліп «Ні кроку назад», які зьяўляецца саўндтрэкам да фільму «Вышэй за неба».

Vinsent мае сумесныя працы: сынгл «Развага» (2010) з гуртом :B:N:, сынгл «Дай сілы!» (2011) з гуртом IQ48[2].

КіноРэдагаваць

У 2013 адбылася прэм’ера фільму «Жыве Беларусь», у якім актор Дзьмітры «Вінсэнт» Папко сыграў галоўную ролю Мірона Захаркі.

У 2013 адбылася прэм’ера фільму «Вышэй за неба», у якім актор Дзьмітры «Вінсэнт» Папко сыграў ролю Макса[2]. Ідэйным натхняльнікам і сурэжысэрам фільму зьяўляецца драматург Андрэй Курэйчык.

ДыскаграфіяРэдагаваць

АльбомыРэдагаваць

DVD і кампіляцыіРэдагаваць

  • «Жывы DVD» (2011)

EP і сынглыРэдагаваць

  • «Слава Героям!» (2010)
  • «Веру» (2010)
  • «Ні кроку назад» (2012)
  • «Ток» (2013)

Сынглы ў супрацы зь іншымі выканаўцаміРэдагаваць

  • «Развага» сумесна з гуртом :B:N: (2010)
  • «Дай сілы!» сумесна з гуртом IQ48 (2011)
  • складанка «Жалуды» (2013)

ВідэакліпыРэдагаваць

  • «Працягваю жыць» (2009)
  • «Восеньскі вальс» (2010)[3]
  • «Ні кроку назад» (2012)

ФільмаграфіяРэдагаваць

  • «Жыве Беларусь» (2013) — Мірон Захарка
  • «Вышэй за неба» (2013) — Макс

КрыніцыРэдагаваць

  1. ^ Вольга Коршун. Лірыка ў рытме рэпу // Чырвоная зьмена. — 12 траўня 2010. — № 18 (15621). — С. 2.
  2. ^ а б в Vinsent: «Можна быць чалябінцам, а можна — эўрапейцам»(бел.). Свабода (2012-11-23). Праверана 2020-04-10 г. Архіўная копія ад 2020-04-10 г.
  3. ^ ТГ. (2010-02-02) Vinsent: «Такі кліп, як мой, каштуе 2000 даляраў»(бел.). Tuzin.fmПраверана 2020-03-30 г. Архіўная копія ад 2010-02-14 г.