2-я армія (Нямецкая імпэрыя)

2-я а́рмія (па-нямецку: 2. Armee / Armeeoberkommando 2 / A.O.K. 2) — вайсковае аб’яднаньне армейскага узроўню імпэрскай Нямецкай арміі падчас Першай сусьветнай вайны.

2 Армія
2. Armee
Сьцяг штабу арміі (1871—1919)
Гады існаваньня	2 жніўня 1914 — 1919
Краіна	Нямецкая імпэрыя
Падпарадкаваньне	Генэральны штаб Нямецкай імпэрыі
Уваходзіць у	Райхсгэер
Тып	Пяхота
Функцыя	Палявая армія
Удзел у	Першая сусьветная вайна Заходні фронт Прыгранічная бітва Бітва пры Сэн-Кантэне (1914) Бітва пры Монсе Бітва на Соме Бітва пры Камбрэ (1917) Ам’енская апэрацыя
Вядомыя камандзіры	Генэрал-палкоўнік Карл фон Бюлаў, Генэрал ад інфантэрыі Фрыц фон Белоў Генэрал кавалерыі Георг фон дэр Марвіц

Гісторыя

Была сфармавана падчас мабілізацыі ў жніўні 1914 годзе на базе III Армейскай Інспэкцыі.

Удзельнічала ў баявых дзеяньнях у складзе Заходняга фронту. Галоўнай задачай арміі, згодна з плянам Шліфэна, была падтрымка манэўра 1-ай арміі з мэтай абкружыць левы флянг францускай арміі каля Парыжу. 20 жніўня 2-ая армія аблажыла і 25 жніўня ўзяла ланцуг крэпасьцяў вакол Намюру і ваявала супраць францускай 5-ай арміі пад началам генэрала Шарля Ланрэзака ў бітвах пры Шарлеруа 23—24 жніўня 1914 году і пры Сэн-Кантэне 29 — 30 жніўня 1914 году.

2-я армія несла асноўны цяжар атакі войскаў Антанта у бітве на Соме. 

Напрыканцы вайны 2-я Армія ўваходзіла ў Групу армій Рупрэхта Баварскага.

Баявы склад на 1914 год

Мапа пляну Шліфэна

Камандуючыя

• Генэрал-палкоўнік Карл фон Бюлаў (1914)
• Генэрал ад інфантэрыі Фрыц фон Белоў (1915—1916)
• Генэрал кавалерыі Георг фон дэр Марвіц (1916—1918)

Глядзіце таксама

• Баявы расклад Нямецкай імпэрскай арміі ў 1914 годзе

Літаратура

• Hermann Cron Imperial German Army 1914-1918: Organisation, Structure, Orders of Battle. — Helion & Company ltd, 2002. — ISBN 1-874622-70-1