Яраслаў Яроцкі
Ярасла́ў Яроцкі (нар. 28 сакавіка 1996 году) — беларускі футбаліст, паўабаронца «Слуцку».
| Яраслаў Яроцкі | ||
| Пэрсанальная інфармацыя | ||
|---|---|---|
| Нарадзіўся | 28 сакавіка 1996[1][2][3] (29 гадоў) | |
| Рост | 175 см[4] | |
| Вага | 75 кг[4] | |
| Пазыцыя | паўабаронца | |
| Клюбная інфармацыя | ||
| Клюб | Слуцак | |
| Нумар | 23 | |
| Клюбы | ||
| Гады | Клюб | Гульні (галы)¹ |
| 2013—2018 | Дынама Менск | 43 (3) |
| 2016—2017 | → Нёман Горадня | 19 (2) |
| 2018 | → Смалявічы | 8 (0) |
| 2019—2021 | Менск | 69 (4) |
| 2022 | Віцебск | 6 (1) |
| 2022— | Слуцак | 47 (1) |
| Зборныя | ||
| 2014—2017 | Беларусь (да 21) | 27 (3) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьВыхаванец гарадзенскай СДЮШАР-6. Яшчэ юнаком апынуўся ў складзе менскага «Дынама». У сэзоне 2012 году абараняў колеры дынамаўскага дубля, згуляўшы ў 26 матчах. У сэзоне 2013 году пачаў зьяўляцца ў асноўнай камандзе. Дэбют у Найвышэйшай лізе адбыўся 15 верасьня 2013 году ў матчы супраць «Гомля» (3:1), калі Яраслаў выйшаў на замену ў канцы матча. У другой сваёй гульні за асноўную каманд, 26 кастрычніка таго ж году зноў супраць «Гомля», таксама выйшаў у канцы матча і адзначыўся голам, усталяваўшы тым самым канчатковы лік 4:1. У сэзоне 2014 году пераважна гуляў за дубль. Чатыры разы зьяўляўся на полі ў асноўнай камандзе дынамаўцаў у Найвышэйшай лізе, акрамя таго, двойчы выхадзіў на замену ў матчах групавога этапу Лігі Эўропы.
У сэзоне 2015 году ўжо часьцей пачаў зьяўляцца ў асноўнай камандзе, некалькі разоў выхадзячы на поле ў пачатковым складзе. У ліпені 2016 году быў аддадзены ў арэнду гарадзенскаму «Нёману»[5], дзе пачаў часьцей зьяўляцца ў асноўным складзе. Па заканчэньні сэзону 2016 году вярнуўся ў «Дынама»[6], але ў студзені 2017 году зноў далучыўся да «Нёману»[7]. У ліпені 2017 году быў адазваны з арэнды ў асноўную каманду дынамаўцаў[8]. У другой палове сэзона 2017 году ў складзе «Дынама» пераважна выходзіў на зьмену.
У пачатку 2018 году рыхтаваўся да новага сэзону з дынамаўцамі і выправіўся з камандай на першы турэцкі збор, але на другі ня трапіў і неўзабаве быў аддадзены ў арэнду клюбу «Смалявічы»[9]. Пачынаў сэзон 2018 году ў першай адзінаццатцы, аднак з чэрвеня перастаў зьяўляцца на полі праз траўмы. Па заканчэньні сэзону пакінуў «Смалявічы».
З студзеня 2019 году трэнаваўся зь «Менскам» і ў лютым падпісаў зь ім кантракт[10]. Гуляў пераважна ў стартавым складзе каманды, часам выходзіў на замену. У студзені 2022 году стаў гульцом «Віцебска»[11], аднак ня даў рады, каб замацавацца ў асноўным складзе. У ліпені 2022 году па пагадненьні бакоў пакінуў віцебскі клюб[12] і неўзабаве далучыўся да «Слуцку»[13]. У сьнежні 2022 году зышоў з слуцкага клюбу[14], аднак у студзені 2023 году вярнуўся і падпісаў новы кантракт зь ім[15]. У сьнежні 2023 году падоўжыў пагадненьне з клюбам[16].
У студзені 2025 году зьявіліся зьвесткі, што футбаліст можа ўзмоцніць шэрагі гарадзенскага «Нёману»[17], дзе Яроцкі ўжо некалі гуляў.
Міжнародная
рэдагавацьВыступаў за юнацкія зборныя да 17 і 19 гадоў. 14 лістапада 2014 году дэбютаваў у складзе моладзевай зборнай Беларусі ў таварыскім матчы супраць зборнай Летувы. У студзені 2015 года ў складзе моладзевай зборнай выступаў на Кубку Садружнасьці ў Санкт-Пецярбургу, дзе двумя галамі дапамог беларускай зборнай здабыць бронзавыя мэдалі.
Дасягненьні
рэдагаваць- Срэбраны прызэр чэмпіянату Беларусі: 2015
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дынама Менск | 2015 | Найвышэйшая ліга | 14 | 1 |
| 2016 | Найвышэйшая ліга | 12 | 1 | |
| Нёман Горадня | 11 | 1 | ||
| 2017 | Найвышэйшая ліга | 8 | 1 | |
| Дынама Менск | 10 | 0 | ||
| Смалявічы | 2018 | Найвышэйшая ліга | 8 | 0 |
Крыніцы
рэдагаваць- ^ а б в Yaroslav Yarotskiy // Transfermarkt (мн.) — 2000.
- ^ а б в Yaroslav Yarotsky // FBref (мн.)
- ^ а б в Yaroslav Yarotski // As (гішп.) — Madrid: PRISA, 1967. — ISSN 1888-6671
- ^ а б в г д е http://sfc-slutsk.by/person/411
- ^ Ярослав Яроцкий вторую часть сезона проведет в аренде в "Немане" (рас.)
- ^ У 19 игроков "Немана" истекли контракты (рас.)
- ^ Ярослав Яроцкий проведет очередной сезон в аренде в "Немане" (рас.)
- ^ Минское "Динамо" отозвало Яроцкого из аренды в "Немане" (рас.)
- ^ "Смолевичи" арендовали у минского "Динамо" Яроцкого (рас.)
- ^ "Минск" подписал Ярослава Яроцкого (рас.)
- ^ Ярослав Яроцкий стал игроком "Витебска" (рас.) Архіўная копія ад 2022-01-22 г.
- ^ "Витебск" объявил о расставании с Яроцким (рас.)
- ^ Яроцкий продолжит карьеру в "Слуцке" (рас.)
- ^ "Слуцк" расстался с Яроцким (рас.)
- ^ Яроцкий остался в "Слуцке" (рас.)
- ^ "Слуцк" пролонгировал соглашения с двумя игроками, в том числе, с лучшим бомбардиром (рас.)
- ^ Еще один футболист «Слуцка» может пополнить состав «Немана» (рас.). Bet News (2025-01-15). Праверана 2025-03-08 г.