Ян Маджарскі

ткач слуцкіх паясоў

Ян Маджарскі (Аванес Маджаранц) (пачатак XVIII стагодзьдзя, Стамбул або Сяміградзьдзе — 1800 або 1801, Слуцак) — ткач, мастак, кіраўнік і арандатар Слуцкай мануфактуры шаўковых паясоў[1].

Ян Маджарскі
Дата нараджэньня XVIII стагодзьдзе
Месца нараджэньня
Дата сьмерці 1800 або 1801
Месца сьмерці
Месца пахаваньня
Занятак ткач, рамесьнік, тэкстыльны дызайнэр
Дзеці Лявон Маджарскі[d]
Вікіпэдыя мае артыкулы пра іншых асобаў з прозьвішчам Маджарскі.

ЖыцьцяпісРэдагаваць

Нарадзіўся ў Стамбуле або Сяміградзьдзі ў сям’і вугорца на ймя Нума (сына Міхала[2]) і армянкі[1]. Бацька служыў у аўстрыйскім войску і патрапіў у турэцкі палон[2].

Ткацкаму рамяству навучаўся ў Стамбуле. У 1740-х вырабляў паясы на мануфактуры князёў Патоцкіх у Станіславе. У 1758 годзе быў запрошаны ваяводам віленскім Міхалам Казімерам Радзівілам (Рыбанькам) у Нясьвіж, потым працаваў у Слуцку, дзе кіраваў мануфактурай шаўковых паясоў (пэрсіярняй)[1]. Бурлівая дзейнасьць слуцкай пэрсіярні прыносіла Маджарскаму вялікі прыбытак. Ён набыў за 30 тысячаў злотых фальварак Сёлка (цяпер у межах Слуцку), а потым нават змог дамовіцца з сынам аб арэндзе фабрыкі[3] ў 1776—1780 роках[1].

Памёр у Слуцку ў 1800 або 1801 годзе і, як сьцьвярджаюць біёграфы, быў пахаваны ў тамтэйшых бэрнардынаў[3].

ТворчасьцьРэдагаваць

Распрацаваў кампазыцыйную структуру, віды паясоў (двухбаковыя, чатырохчастковыя) і асноўныя тыпы дэкору паясоў[1].

Сям’яРэдагаваць

З жонкай Армінэ (магчыма, яе імя Разалія[2]) мелі сына Лявона і некалькіх дачок[4].

КрыніцыРэдагаваць

  1. ^ а б в г д Лазука, Б. А. Слуцкія паясы і еўрапейскі тэкстыль XVIII. Малы лексікон / Б. А. Лазука. — Мінск: Беларусь, 2015. — 170 с ISBN 978-985-01-1080-0. С. 126.
  2. ^ а б в Зміцер Юркевіч. Дакументальныя крыніцы да радаводу Станіслава Манюшкі
  3. ^ а б Зміцер Юркевіч. Таямніцы Манюшкаў. Частка XVI. Маджарскія. № 31 (1470) 01.08.2020 — 08.08.2020 г
  4. ^ Лазука, Б. А. Слуцкія паясы і еўрапейскі тэкстыль XVIII. Малы лексікон / Б. А. Лазука. — Мінск: Беларусь, 2015. — 170 с ISBN 978-985-01-1080-0. С. 23.