Ягор Траякоў
Ягор Траякоў (нарадзіўся 24 лютага 1995 году) — беларускі футбаліст, абаронца «Гомлю».
| Ягор Траякоў | ||
| ||
| Пэрсанальная інфармацыя | ||
|---|---|---|
| Нарадзіўся | 24 лютага 1995[1] (29 гадоў) | |
| Рост | 188 см | |
| Вага | 80 кг[3] | |
| Пазыцыя | абаронца | |
| Клюбная інфармацыя | ||
| Клюб | Гомель | |
| Нумар | 30 | |
| Клюбы | ||
| Гады | Клюб | Гульні (галы)¹ |
| 2015—2020 | Гомель | 45 (2) |
| 2019 | → Спадарожнік | 11 (0) |
| 2019 | → Смаргонь | 10 (1) |
| 2021 | Хваля | 31 (5) |
| 2022 | Белшына | 29 (5) |
| 2023— | Гомель | 47 (2) |
| 2024— | → Гомель-2[d] | 1 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьЗь дзяцінства пачаў займацца футболам у сыстэме «Гомлю», прайшоўшы цераз юнацкія каманды ўсіх узростаў. З 2013 году пачаў гуляць за дубль, дзе хутка замацаваўся ў складзе. Улетку 2015 году, пасьля таго як празь фінансавыя цяжкасьці з «Гомлю» сышлі асноўныя гульцы, быў пераведзены ў першую каманду. 9 жніўня 2015 году дэбютаваў у Найвышэйшай лізе, адгуляўшы ўсе 90 хвілінаў матчу супраць гарадзенскага «Нёману» (0:1). Пазьней замацаваўся ў якасьці асноўнага цэнтральнага абаронцы, але ня здолеў выратаваць каманду ад вылету ў Першую лігу. У сэзоне 2016 году заставаўся гульцом першай адзінаццаткі і дапамог камандзе вярнуцца ў элітны дывізіён, але сам значную колькасьць матчаў прапусьціў праз пашкоджаньні. У першай палове 2017 году быў асноўным абаронцам дружыны ў Найвышэйшай лізе, а ў ліпені зноў выбыў праз траўмы і не зьяўляўся на полі да сканчэньня сэзону. У жніўні 2017 году падоўжыў кантракт з гомельскім клюбам да канца 2019 году[4]. Сэзон 2018 году цалкам прапусьціў праз траўмы.
У сакавіку 2019 году, па акрыяньні, быў аддадзены ў арэнду рэчыцкаму «Спадарожніку»[5], дзе быў гульцом асноўнага складу. У ліпені 2019 году пакінуў рэчыцкі клюб[6], а ў жніўні стаў гульцом «Смаргоні»[7]. У сьнежні 2019 году, па вяртаньні з арэнды, падоўжыў кантракт з «Гомлем» на адзін год[8]. Пачынаў сэзон 2020 году ў стартавым складзе гомельскай каманды, але неўзабаве перастаў зьяўляцца на полі. У студзені 2021 году па заканчэньні кантракту пакінуў каманду[9].
У студзені 2021 году трэнаваўся з «Белшынай», а ў лютым далучыўся да пінскай «Хвалі», зь якой неўзабаве склаў працоўную угоду[10]. Замацаваўся ў стартавым складзе пінскага клюбу. У студзені 2022 году скасаваў пагадненьне з клюбам[11]. У лютым 2022 году зноўку далучыўся да «Белшыны»[12]. Стаў асноўным абаронцам бабруйчанаў, улучыўшы за сэзон 2022 году 5 галоў у брамы супеніркаў. У студзені 2023 году пакінуў бабруйскі клюб[13] і хутка вярнуўся ў «Гомель», падпісаўшы двухгадовы кантракт[14].
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Гомель | 2015 | Найвышэйшая ліга | 12 | 1 |
| 2016 | Першая ліга | 15 | 1 | |
| 2017 | Найвышэйшая ліга | 15 | 0 | |
Крыніцы
рэдагаваць- ^ а б в Egor Troyakov // Transfermarkt (мн.) — 2000.
- ^ а б http://fcbelshina.by/komanda/osnovnoy-sostav/52008-troyakov-e-v
- ^ а б https://www.pressball.by/footballstat/egor_troyakov/
- ^ "Гомель" продлил контракт с Трояковым
- ^ Защитник Егор Трояков отдан в аренду речицкому «Спутнику» Архівавана 22 сакавіка 2019.
- ^ Шрейтор, Трояков и Дашук покинули "Спутник"
- ^ Трояков и Кисель подписали контракты со "Сморгонью"
- ^ "Гомель" пролонгировал соглашение с Трояковым
- ^ Каплунов, Луцевич, Трояков и хотов покинули "Гомель"
- ^ Трояков подписал контракт с "Волной"
- ^ Градобоев и Водянович продлили контракты с "Волной", Трояков покинул пинский клуб
- ^ Трояков перешел в "Белшину", Васильев продлил контракт
- ^ Футбол. "Белшина" объявила о расставании с Егором Трояковым (рас.) Праверана 2023-01-11 г. Архіўная копія ад 11 студзеня 2023 г.
- ^ Футбол. Егор Трояков вернулся в "Гомель" (рас.) Праверана 2023-01-12 г. Архіўная копія ад 12 студзеня 2023 г.
Вонкавыя спасылкі
рэдагаваць- Профіль на сайце «Гомелю» (рас.)
- Статыстыка «ПБ-Инфо» (рас.)