Яблыня

Яблыня (Malus) — род пладовых дрэваў сямейства ружавых.

Яблыня
Клясыфікацыя
Царства	Расьліны
Аддзел	Кветкавыя
Кляса	Двухдольныя
Атрад	Ружакветныя
Сямейства	Ружавыя
Род	Яблыня
Бінамінальная намэнклятура
Malus
Яблыня на Віківідах  Яблыня ў Вікісховішчы ITIS 25254 ·

Дрэвы вышынёй да 10 м. Лісьце чараньковае, эліптычнае, яйкападобнае або круглае. Кветкі найчасьцей ружовыя, у шчытках. Плод — яблык, мае сакавітую мякаць. Яблыкі ўтрымліваюць цукры, арганічныя кісьлі, каратын, вітаміны С і В, пэктыны.

На Беларусі расьце 6 відаў. Дзікія яблыні часам сустракаюцца ў шыракалістых і мяшаных лясах. Найбольшае гаспадарчае значэньне мае яблыня дамашняя — галоўная пладовая культура. Шмат сартоў яблынь вырошчваецца ў спэцыялізаваных гаспадарках, а таксама садаводамі-аматарамі. Скарасьпелыя сарты пачынаюць пладаносіць на 4—5 год, позьнія на 10—12 год пасьля пасадкі. Пэрыяд гаспадарчага выкарыстаньня да 40—50 гадоў. Плады высьпяваюць у жніўні — верасьні.

Яблыня свойская

Культура яблыні зьявілася вельмі даўно, яшчэ ў дагістарычны пэрыяд.