Юры Рыжко
Юры Рыжко (нарадзіўся 10 кастрычніка 1989 году, Менск, БССР) — колішні беларускі футбаліст, абаронца.
| Юры Рыжко | ||
| Пэрсанальная інфармацыя | ||
|---|---|---|
| Нарадзіўся | 10 кастрычніка 1989[1] (34 гады) | |
| Рост | 193 см | |
| Вага | 89 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2008 | БАТЭ | 1 (0) |
| 2009 | Смаргонь | 13 (0) |
| 2010—2012 | Тарпэда-БелАЗ | 38 (2) |
| 2013 | Слуцак | 14 (1) |
| 2013 | Бухара[d] | 13 (0) |
| 2014—2015 | Наўбахор[d] | 36 (1) |
| 2015—2016 | Іслач | 35 (2) |
| 2017 | Нафтан | 15 (1) |
| Зборныя | ||
| 2008—2009 | Беларусь (да 21) | 7 (0) |
| 2011 | Беларусь (да 23)[d] | 4 (0) |
Кар’ера рэдагаваць
Выхаванец менскай СДЮШАР-5. З 2006 году гуляў за дубль барысаўскага БАТЭ. Другую палову сэзону 2009 году правёў у арэндзе ў «Смаргоні».
З 2010 па 2013 гады быў гульцом клюбу «Тарпэда-БелАЗ». Пасьля трох праведзеных сэзонаў клюб і футбаліст ня здолелі ўзгадніць умовы асабістага кантракту. Сэзон 2013 году Юры пачынаў у клюбе «Слуцак», які пакінуў у канцы ліпеня 2013 году[2]. У жніўні 2013 году падпісаў кантракт з узбэцкім клюбам «Бухара»[3], дзе замацаваўся ў асноўным складзе дружыны.
У канцы студзеня і пачатку лютага 2014 году знаходзіўся на праглядзе ў салігорскім «Шахцёры», але камандзе не падышоў. У выніку сэзон 2014 году пачаў у складзе наманганскага «Наўбахору»[4]. У жніўні 2015 году падпісаў кантракт з клюбам «Іслач»[5]. Разам з камандай прасунуўся ў Найвышэйшую лігу. У сэзоне 2016 году звычайна гуляў у асноўным складзе «Іслачы» на пазыцыі цэнтральнага абаронцы. Да сэзону 2017 году рыхтаваўся разам з камандай, аднак перад пачаткам чэмпіянату ня трапіў у заяўку і пакінуў клюб. У ліпені 2017 году перайшоў у наваполацкі «Нафтан»[6][7]. Дэбютаваў за новы клюб 31 ліпеня ў матчы супраць «Слуцку», дзе забіў гол пасьля падачы кутавога, чым прынёс «Нафтану» перамогу зь лікам 1:0. У выніку замацаваўся ў асноўным складзе навапалачанаў, выступаючы на пазыцыях цэнтральнага абаронцы і апорнага паўабаронцы.
За ўдзел у дамоўленых гульнях спачатку аштрафаваны судом Першамайскага раёну Менску ў кастрычніку 2017 году[8], а ў лютым 2018 году пажыцьцёва дыскваліфікаваны Беларускай фэдэрацыяй футболу[9]. Пасьля выраку ад АБФФ некаторы час працаваў ст’юардам на матчах «Смалявічаў», таксама спрабаваў працаўладкавацца ў чэмпіянатах Малдовы і Армэніі[10].
Дасягненьні рэдагаваць
- Бронзавы прызэр моладзевага чэмпіянату Эўропы: 2011
Статыстыка рэдагаваць
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Іслач | 2015 | Першая ліга | 12 | 0 |
| 2016 | Найвышэйшая ліга | 23 | 2 | |
| Нафтан | 2017 | Найвышэйшая ліга | 15 | 1 |
Крыніцы рэдагаваць
- ^ а б в Yuri Ryzhko // Transfermarkt (мн.) — 2000.
- ^ Юрий Рыжко покинул «Слуцк» (рас.)
- ^ Рыжко перешел в «Бухару»(недаступная спасылка) (рас.)
- ^ Рыжко, Пидвирный и Ярославский не подошли «Шахтеру». by.tribuna.com
- ^ Юрий Рыжко сменил узбекский «Навбахор» на «Ислочь» (рас.)
- ^ Костюкевич в погоне за Рыжченко (рас.)
- ^ Рыжко, Пацевич, Новик и Медведь на просмотре в «Нафтане» (рас.)
- ^ Вынесены приговоры фигурантам дела о договорных матчах: ограничение свободы и штрафы{{}}
- ^ Дело о договорных матчах: КДК АБФФ пожизненно дисквалифицировал 11 футболистов и Владимира Маковского (рас.)
- ^ Дело о “договорняках”. “Друзья-однополчане”, где же вы теперь? Праверана 20 кастрычніка 2018 г. Архіўная копія ад 13 снежня 2021 г.
Вонкавыя спасылкі рэдагаваць
- Профіль(недаступная спасылка) на сайце transfermarkt.de
- Статыстыка «ПБ-Инфо» (рас.)