Юры Белазор (? — 17 траўня 1665) — дзяржаўны й рымска-каталіцкі дзяяч Вялікага Княства Літоўскага. Біскуп смаленскі (16581661) і віленскі (ад 1661).

Юры Белазор
Jerzy Białłozor.PNG
POL COA Wieniawa.svg
Герб «Вянява»
Асабістыя зьвесткі
Памёр 17 траўня 1665
Белая, Берасьцейскі павет, Берасьцейскае ваяводзтва, Вялікае Княства Літоўскае, Рэч Паспалітая
Род Белазоры
Бацькі Крыштап Белазор
Ядвіга з Гедройцаў
Дзейнасьць каталіцкі сьвятар

БіяграфіяРэдагаваць

Прадстаўнік шляхецкага роду Белазораў гербу «Вянява», сын Крыштапа, старосты абельскага, і Ядвігі з Гедройцаў.

Скончыў Віленскую акадэмію, зрабіўся ксяндзом. Быў каралеўскім сакратаром, пісарам скарбовым літоўскім, канонікам віленскім, пробашчам капліцы Сьвятога Казімера ў Віленскай катэдры, рэгентам меншае канцылярыі ВКЛ (16501655), кусташам віленскім (ад 1652).

Вымушана падпісаў ад імя віленскае капітулы Кейданскую дамову 1655 году пра вунію ВКЛ і Швэцыі. У Верках у 1663 заклаў Віленскую Кальварыю як воту па вызваленьне бацькаўшчыны[1]. За ахвяраваньні часткі скарбу капліцы Сьв. Казімера на патрэбы разбуранае па вайне краіны атрымаў прыхільнасьць Яна Казімера Вазы. Быў ініцыятарам адбудовы віленскае катэдры.

КрыніцыРэдагаваць

  1. ^ Пазднякоў В. Белазоры // ВКЛ. Энцыкл. Т. 1. — Менск, 2005. С. 299.

ЛітаратураРэдагаваць