Энвер Барыеў

	Энвер Барыеў
	па-беларуску: Энвер Рызаевіч Барыеў; па-азэрбайджанску: Ənvər Rza oğlu Barıyev
Надзвычайны і Паўнамоцны Амбасадар Рэспублікі Беларусь у Туркмэнскай Рэспубліцы
	26 жніўня 2011 — 16 траўня 2013
Прэзыдэнт:	Аляксандар Лукашэнка
Прэм’ер-міністар:	Міхаіл Мясьніковіч
Папярэднік:	Юры Малумаў
Наступнік:	Алег Табанюхаў
Міністар па надзвычайных сытуацыях Рэспублікі Беларусь
	22 сакавіка 2005 — 29 сьнежня 2010
Прэзыдэнт:	Аляксандар Лукашэнка
Прэм’ер-міністар:	Сяргей Сідорскі
Папярэднік:	Валеры Астапаў
Наступнік:	Уладзімер Вашчанка
Асабістыя зьвесткі
Нарадзіўся:	2 кастрычніка 1964 (60 гадоў); Алі-Байрамлы, АзССР
Адукацыя:	Львоўскі дзяржаўны ўнівэрсытэт бясьпекі жыцьцядзейнасьці[d]; Academy of State Fire Service[d]; Акадэмія кіраваньня пры прэзыдэнце Рэспублікі Беларусь;

Энве́р Рыза́евіч Бары́еў (нарадзіўся 2 кастрычніка 1964 году, Алі-Байрамлы, Азэрбайджанская ССР) — беларускі дзяржаўны дзяяч, міністар па надзвычайных сытуацыях Рэспублікі Беларусь (2005—2010), амбасадар ў Туркмэністане (з 2011).

Біяграфія

Нарадзіўся ў г. Алі-Байрамлы Азэрбайджанскай ССР у 1964 годзе. У 1985 годзе скончыў Львоўскую пажарна-тэхнічную вучэльню МУС СССР, у 1991 годзе — Вышэйшую інжынэрную пажарна-тэхнічную школу МУС СССР. Служыў ва Ўзброеных сілах, МУС, КДБ, памежных войсках. 1991—1996 гады — на розных пасадах у Рэспубліканскім навукова-практычным цэнтры пажарнай бясьпекі Галоўнае ўправы ваенізаванай пажарнай службы МУС Беларусі. 1996—1999 — першы намесьнік начальніка Галоўнае ўправы ваенізаванай пажарнай службы МУС — начальнік штабу. Са жніўня 1999 году — першы намесьнік міністра па надзвычайных сытуацыях Рэспублікі Беларусь. У 2000 годзе скончыў Акадэмію кіраваньня пры прэзыдэнце Рэспублікі Беларусь. З 29 сьнежня 2004 году — выканаўца абавязкаў кіраўніка МНС. 22 сакавіка 2005 году — 29 сьнежня 2010 — міністар па надзвычайных сытуацыях Рэспублікі Беларусь.

26 жніўня 2011 году прызначаны амбасадарам Беларусі ў Туркмэністане^[1]. 16 траўня 2013 году быў адстаўлены з гэтай пасады^[2].

Кандыдат пэдагагічных навук, дацэнт. Мае болей за 100 навуковых публікацыяў.

Генэрал-маёр унутранай службы.

Узнагароды

Узнагароджаны ордэнам «За службу Радзіме» ІІІ ступені, мэдалём «За бездакорную службу» ІІ, ІІІ ступеняў, мэдалямі іншых краінаў.

Крыніцы

^ Указ Президента Республики Беларусь от 26 августа 2011 г. № 372 «О назначении Э. Р. Бариева» (рас.)
^ Указ Президента Республики Беларусь от 16 мая 2013 г. № 220 «Об освобождении от должности Э.Р.Бариева»(недаступная спасылка) (рас.)

Вонкавыя спасылкі

Біяграфія на бачыне МНС (рас.)
Старонка на праекце «Хто ёсьць хто ў Рэспубліцы Беларусь»(недаступная спасылка) (рас.)

[1] Указ Президента Республики Беларусь от 26 августа 2011 г. № 372 «О назначении Э. Р. Бариева» (рас.)

[2] Указ Президента Республики Беларусь от 16 мая 2013 г. № 220 «Об освобождении от должности Э.Р.Бариева»(недаступная спасылка) (рас.)

[1]

[2]