Эляс Вэрона
«Эляс Вэрона» (па-італьянску: Hellas Verona) — італьянскі футбольны клюб з гораду Вэрона. Заснаваны ў 1903 годзе. Чэмпіён Італіі (1985).
| Эляс Вэрона | ||||||
 | ||||||
| Поўная назва | Hellas Verona Football Club | |||||
|---|---|---|---|---|---|---|
| Заснаваны | 1903 і 1991 | |||||
| Горад | Вэрона, Італія | |||||
| Стадыён | Маркантоніё Бэнтэгодзі Умяшчальнасьць: 39 211 | |||||
| Прэзыдэнт | Маўрыцыё Зэцьці[d] | |||||
| Чэмпіянат | Сэрыя А | |||||
| · 2023—2024 | 13 месца | |||||
| ||||||
 Галерэя здымкаў у Вікісховішчыhellasverona.it (італ.) hellasverona.it/en (анг.) | ||||||
Гісторыя
рэдагаваць
Клюб быў заснаваны студэнтамі мясцовага ліцэю. Імя «Эляда», як італьянцы прамаўляюць Эляс, для каманды абраў настаўнік грэцкай мовы. У 1911 годзе «Эляс» прыняў удзел у чэмпіянаце вобласьці. У 1919 годзе клюб зьмяніў назву на «Эляс Вэрона». У Сэрыі Б чэмпіянату Італіі клюб дэбютаваў ў 1929 годзе, аб’яднаўшыся зь іншымі аматарскімі камандамі правінцыі Вэроны, як то «Бэнтэгодзі» і «Скаліджэра». Паводле вынікаў сэзону 1956—1957 гадоў каманда атрымала права на выхад у Сэрыю А, дзе пратрымалася толькі адзін год.
У 1968 годзе «Эляс Вэрона» вярнулася ў найвышэйшы дывізіён італьянскага першынства. У Сэрыю А каманда выйшла пад кіраўніцтвам даволі вядомага швэдзкага спэцыяліста Нільса Лідгальма. Сэзон 1982—1983 гадоў клюб завяршыў на рэкордным для сябе чацьвертым месцы, а ўжо праз два гады каманда адсьвяткавала перамогу ў чэмпіянаце краіны.
У 1990 годзе «Эляс Верона» пакінула элітны дывізіён. Тады ж у каманды пачаліся сур’ёзныя фінансавыя цяжкасьці, якія заміналі паказваць стабільныя вынікі. Наступныя гады клюб балянсаваў паміж Сэрыямі A, Б і C1, рэгулярна распрадаючы сваіх лідэраў. Гэтак пасьля трохгадовага знаходжаньня ў Сэрыі А вэронсксі клюб страціў месца ў найвышэйшай лізе ў 2002 годзе. У гэтым сэзоне за дружыну выступалі такія таленты, як то Адрыян Муту, Маўра Камаранэзі, Альбэрта Джылярдына, Мартын Ляўрсэн, Масыма Ода і Марка Касэцьці. Тады ачоленая трэнэрам Альбэртам Малезані, дружына зрабіла добры пачатак, але умацаваць посьпех не атрымалася, і ў апошнім туры «Эляс» страціў месца ў Сэрыі А.
18 траўня 2013 году каманда фінішавала на другім месцы ў Сэрыі Б, вярнуўшыся ў элітны дывізіён пасьля адзінаццацігадовай адсутнасьці[1]. Іхняе вяртаньне ў найвышэйшы дывізіён пачалося перамогай над «Мілянам» зь лікам 2:1. Клюб адразу займеў добры тэмп, скончыўшы першую палову сэзону з 32 пунктамі на шостым месцы. Той сэзон у выніку скончыўся для каманды пазыцыяй на дзясятым радку. У сэзоне 2015—2016 гадоў «Эляс» ня мог здабыць перамогі з пачатку кампаніі ажно да 3 лютага 2016 году, калі нарэшце клюб адолеў «Аталянту» зь лікам 2:1 на хатнім стадыёне[2]. У выніку таго сэзону вэронцы зноў страцілі месца ў Сэрыі А[3].
Дасягненьні
рэдагаваць- Чэмпіён Італіі: 1985
Склад
рэдагаваць- Актуальны на 14 лютага 2025 году
|
|
Трэнэры
рэдагаваць
|
|
|
|