Айнтрахт Франкфурт

«А́йнтрахт Фра́нкфурт» (па-нямецку: Eintracht Frankfurt) — нямецкі футбольны клюб з гораду Франкфурт-на-Майне. Заснаваны ў 1899 годзе. Чэмпіён Нямеччыны (1959) і пяціразовы ўладальнік Кубка Нямеччыны. Уладальнік Кубка УЭФА (1980). З 1925 году «Айнтрахт» праводзіць хатнія матчы на стадыёне «Deutsche Bank Park».

Айнтрахт Франкфурт
Поўная назва	Eintracht Frankfurt e.V.
Заснаваны	1899
Горад	Франкфурт-на-Майне, Нямеччына
Стадыён	Deutsche Bank Park Умяшчальнасьць: 57 706
Прэзыдэнт	Пэтэр Фішэр
Галоўны трэнэр	Дына Тапмёлер[d]
Чэмпіянат	Бундэсьліга
· 2022—2023	7 месца
Хатнія колеры Выязныя колеры Трэція колеры
Галерэя здымкаў у Вікісховішчы Афіцыйны сайт

Гісторыя

1899—1939

8 сакавіка 1899 году ў Франкфурце-на-Майне былі заснаваныя клюбы «Frankfurter Fußball-Club Victoria von 1899» і «Frankfurter Fußball-Club Kickers von 1899». 5 красавіка 1908 году гулец «Kickers» Фрыц Бэкер забіў два галы ў таварыскім матчы супраць зборнай Швайцарыі — першай гульні нямецкай зборнай па футболе. У тым жа 1908 годзе да «Kickers» далучыўся клюб «1. Frankfurter Hockeyclub». У 1911 годзе ў выніку аб’яднаньня «Kickers» і «Victoria» зьявіўся новы футбольны клюб — «Frankfurter Fußballverein (Kickers-Victoria) von 1899». У 1914 годзе пасьля пачатку Першай сусьветнай вайны чэмпіянат краіны быў спынены, а большасьць гульцоў аб’яднанага клюбу сышлі на вайну.

Вярнуўшыся з вайны футбалісты «Kickers-Victoria» ўзнавілі клюб, а ў красавіку 1920 году яны аб’ядналіся з «Frankfurter Turngemeinde» (заснаваны ў 1861 годзе) і арганізавалі новы клюб — «Turn-und Sportgemeinde Eintracht Frankfurt von 1861». Менавіта ў гэты час у назьве клюбу ўпершыню зьявіліся словы «Айнтрахт» (ням. Eintracht — «аднадушнасьць», «згода»). У 1927 годзе з-за ціску Нямецкай гімнастычнай асацыяцыі клюб быў расфармаваны й створаны дзьве новыя каманды — «Turngemeinde Eintracht Frankfurt von 1861» і «Sportgemeinde Eintracht Frankfurt (FFV) von 1899», якія, аднак, праіснавалі нядоўга.

1945—1960

Пасьля Другой сусьветнай вайны, новасфармаваны клюб «SG Eintracht 1946» атрымаў перамогу ў Кубку Гэсэна. У 1954 годзе гулец «Айнтрахту» Альфрэд Пфаф у складзе зборнай ФРН стаў чэмпіёнам сьвету. У 1959 годзе «Айнтрахт», перамогшы ў Бэрліне «Кікерс Офэнбах», у першы й апошні раз у сваёй гісторыі стаў чэмпіёнам Нямеччыны. У 1960 годзе «Айнтрахт 1946» стаў першым фіналістам Кубка чэмпіёнаў зь Нямеччыны. У Глазга франкфуртцы былі разгромленыя мадрыдзкім «Рэалам» зь лікам 3:7. Два мячы з трох забіў форвард Эрвін Штайн.

Дасягненьні

• Чэмпіён Нямеччыны (1):
  • 1959

• Уладальнікі Кубка Нямеччыны (5):
  • 1974, 1975, 1981, 1988, 2018

• Уладальнікі Кубка УЭФА / Лігі Эўропы (2):
  • 1980, 2022

Склад

Актуальны на 13 верасьня 2023 году

№ Пазыцыя Імя Год нараджэньня 1 Бр Кевін Трап 1990 3 Аб Вільям Пача 2001 4 Аб Робін Кох (ар. Лідс Юн.) 1996 5 Аб Хрвое Смолчыч 2000 6 ПА Крыстыян Якіч 1997 7 Нап Амар Мармуш 1999 8 Нап Фарэс Шайбі 2002 15 ПА Эльес Схіры 1995 16 ПА Уга Лярсан 2004 17 ПА Сэбастыян Родэ (капітан) 1990 18 Нап Есік Нганкам 2000 20 Аб Маката Хасэбэ 1984 21 Нап Люкас Алярыё 1992 22 Аб Тымаці Чэндлер 1990 23 Нап Енс Пэтэр Гаўге 1999 24 Аб Аўрэлію Бута 1997 26 ПА Эрык Эбімбэ 2000 27 ПА Марыё Гёцэ 1992

№ Пазыцыя Імя Год нараджэньня 28 ПА Марсэль Вэніг 2004 29 Аб Нільс Нкунку 2000 30 ПА Пакстэн Аарансан 2003 31 Аб Філіп Макс 1993 33 Бр Енс Граль 1988 34 Аб Намдзі Колінз 2004 35 Аб Тута 1999 36 ПА Ансгар Кнаўф 2002 37 ПА Сыдні Рэбігер 2005 40 Бр Каўан Сантус 2003 41 Бр Сыман Сымоні 2004 42 Бр Люке Гаўэр 2005 43 Нап Ноэль Футкой 2002 44 Аб Давіс Баўтыста 2005 45 ПА Мэгдзі Люн 2004 46 Аб Дарыё Гебур 2003 48 Нап Нача Фэры 2004 49 ПА Гарпрээт Гготра 2003

Вонкавыя спасылкі

• Афіцыйны сайт