Шырвінты
Шырвінты (лет. Širvintos) — места ў Летуве, на рацэ Шырвінце. Адміністрацыйны цэнтар Шырвінцкага раёну Віленскага павету. Насельніцтва на 2018 год — 5692 чалавекі. Знаходзяцца за 50 км ад Вільні.
| Шырвінты | |||||
| лет. Širvintos | |||||
 Касьцёл | |||||
| |||||
| Першыя згадкі: | 1475 | ||||
| Горад з: | 1950 | ||||
| Краіна: | Летува | ||||
| Павет: | Віленскі | ||||
| Насельніцтва: | 5692 чал. (2018) | ||||
| Часавы пас: | UTC+2 | ||||
| летні час: | UTC+3 | ||||
| Паштовы індэкс: | LT-19001 | ||||
| Геаграфічныя каардынаты: | 55°02′10″ пн. ш. 24°58′10″ у. д. / 55.03611° пн. ш. 24.96944° у. д.Каардынаты: 55°02′10″ пн. ш. 24°58′10″ у. д. / 55.03611° пн. ш. 24.96944° у. д. | ||||
Шырвінты на мапе Летувы   Шырвінты | |||||
 Галерэя здымкаў у Вікісховішчы
| |||||
| http://www.sirvintos.lt/ | |||||
.svg)
Шырвінты — даўняе мястэчка гістарычнай Віленшчыны. Да нашага часу тут захаваўся касьцёл Сьвятога Міхала Арханёла, помнік архітэктуры XIX стагодзьдзя.
НазваРэдагаваць
Тапонім Шырвінты ўтварыўся ад назвы ракі Шырвінты[1].
Паводле францускага лінгвіста-германіста Раймонда Шмітляйна, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў, назва Шырвінты ўтварылася ад гоцкага імя Hariobinda або Gyroind[2].
ГісторыяРэдагаваць
.jpg)
Вялікае Княства ЛітоўскаеРэдагаваць
Першы пісьмовы ўпамін пра Шырвінты датуецца 1475 годам, калі тут збудаваі першы касьцёл.
У 1644 годзе мястэчка ўваходзіла ў склад Мусьніцкай воласьці Віленскага павету Віленскага ваяводзтва.
Пад уладай Расейскай імпэрыіРэдагаваць
У выніку трэцяга падзелу Рэчы Паспалітай (1795 год) Шырвінты апынуліся ў складзе Расейскай імпэрыі, у Віленскім павеце Віленскай губэрні. Па тым, як праз Шырвінты прайшоў паштовы тракт Вільня — Вількамір, у 1879 годзе тут заснавалі паштовую станцыю. У 2-й палове XIX ст. у мястэчку было 89 будынкаў.
За часамі Першай сусьветнай вайны ў 1915 годзе Шырвінты занялі войскі Нямецкай імпэрыі.
Найноўшы часРэдагаваць
У сьнежні 1920 году ў ваколіцах Шырвінтаў адбыліся баі паміж летувіскім і польскім войскамі. Па чым мястэчка знаходзілася ў нэўтральнай зоне паміж Летувой і міжваеннай Польскай Рэспублікай, але потым увайшло ў склад Летувы.
У 1950 годзе Шырвінты атрымалі статус места і сталі цэнтрам раёну.
НасельніцтваРэдагаваць
ДэмаграфіяРэдагаваць
- XIX стагодзьдзе: ~1892 год — 778 чал.[3]
- XXI стагодзьдзе: 2018 год — 5692 чал.
Турыстычная інфармацыяРэдагаваць
СлавутасьціРэдагаваць
- Касьцёл Сьвятога Міхала Арханёла (1855—1860)
- Могілкі старыя каталіцкія, капліца (XIX ст.)
Страчаная спадчынаРэдагаваць
- Сынагога
- Царква (1860-я; мураўёўка)
КрыніцыРэдагаваць
- ^ Sabaliauskas A. «Iš kur jie?» — Vilnius: Lietuvių kalbos institutas, 1994. P. 340.
- ^ Schmittlein R. Toponymes finnois et germaniques en Lituanie // Revue internationale d’onomastique. Nr. 2, 1948. P. 105.
- ^ Krzywicki J. Szyrwinty // Słownik geograficzny Królestwa Polskiego i innych krajów słowiańskich. Tom XII: Szlurpkiszki — Warłynka. — Warszawa, 1892. S. 127.